Shaheen Shah Afridi Marriage: రెండోసారి పెళ్లి చేసుకున్న పాకిస్థాన్ స్టార్ పేసర్ షహీన్ అఫ్రిదీ.. పెళ్లి కూతురు ఎవరంటే?

Shaheen Shah Afridi Marries Shahid Afridi’s daughter Ansha For The Second Time: పాకిస్థాన్ క్రికెట్ టీమ్ స్టార్ పేసర్ షాహీన్ షా అఫ్రిదీ రెండోసారి పెళ్లి చేసుకున్నాడు. పాకిస్థాన్ మాజీ కెప్టెన్ షాహిద్ ఆఫ్రీది రెండో కుమార్తె అన్షాను షాహీన్ మరోసారి పెళ్లి చేసుకున్నాడు. షాహీన్, అన్షాల వివాహ వేడుక మంగళవారం (సెప్టెంబర్ 19) రాత్రి కరాచీలో అంగరంగ వైభవంగా జరిగింది. ఈ పెళ్లి వేడుకకి సంబందించిన ఫొటోస్ సోషల్ మీడియాలో వైరల్ అవుతున్నాయి. ఈ ఏడాది ఫిబ్రవరి 3న కరాచీలో షాహీన్ మరియు అన్షాలు వివాహం చేసుకున్న చేసుకున్న విషయం తెలిసిందే.

షాహీన్ షా అఫ్రిదీ, అన్షా అఫ్రిదీల వివాహా కార్యక్రమానికి పాకిస్తాన్ కెప్టెన్ బాబర్ ఆజమ్, వికెట్ కీపర్ మొహ్మద్ రిజ్వాన్ హాజరయ్యారు. వీరితో పాటు మరికొందరు క్రీడాకారులు కూడా హాజరయ్యారు. స్పీడ్‌స్టర్‌ అఫ్రిదీని బాబర్ ఆలింగనం చేసుకున్న వీడియో సోషల్ మీడియా వైరల్ అవుతోంది. ఆసియా కప్ 2023లో పాక్ సూపర్-4 నుంచి నిష్క్రమించిన అనంతరం బాబర్, అఫ్రిదీ మధ్య పెద్ద గొడవ జరిగినట్టు వార్తలు వచ్చిన విషయం తెలిసిందే. దాంతో అఫ్రిదీని బాబర్ ఆలింగనం చేసుకొవడంతో అంతా సెట్ అయినట్టే అనిపిస్తోంది.

షాహీన్ ఆఫ్రిది, అన్షాల మొదటి వివాహం ఈ ఏడాది ఫిబ్రవరిలో జరిగింది. ఈ వివాహానికి కొద్ది మంది సన్నిహితులు మరియు స్నేహితులు మాత్రమే హాజరయ్యారు. అందుకే ఈ జంట తమ పెళ్లిని ఘనంగా జరుపుకోవాలనుకుందట. అందుకే రెండో పెళ్లిని ఘనంగా ప్లాన్ చేశారని సమాచారం. ఆఫ్రిది, అన్షాలు 6 నెలల వ్యవధిలోనే రెండోసారి పెళ్లి చేసుకోవడానికి అసలు కారణం ఇంకా తెలియరాలేదు. షాహీన్‌తో దిగిన ఫోటోను బాబర్ తన ఎక్స్‌లో పోస్ట్‌ చేశాడు.

Also Read: Team India Schedule 2023: భారత క్రికెట్ ఫ్యాన్స్‌కు పండగే ఇక.. 20 రోజుల్లో 14 మ్యాచ్‌లు! షెడ్యూల్ ఇదే

23 ఏళ్ల షాహీన్ షా అఫ్రిది 2018లో పాకిస్తాన్ జట్టులోకి ఎంట్రీ ఇచ్చాడు. ఇప్పటివరకు 27 టెస్టులు, 44 వన్డేలు, 52 టీ20లు ఆడాడు. షాహీన్ వరుసగా 105, 86, 64 వికెట్స్ పడగొట్టాడు. ఆసియా కప్ 2023లో అదరగొట్టిన షాహీన్.. ఇక ప్రపంచకప్ 2023 కోసం ఎదురుచూస్తున్నాడు. మరోవైపు షాహిద్ ఆఫ్రీది పాక్ తరపున 27 టెస్టులు, 398 వన్డేలు, 99 టీ20లు ఆడాడు. షాహిద్ ఆఫ్రీదికి నలుగురు కూతుళ్లు ఉన్న విషయం తెలిసిందే. కుమారుడు అందరికంటే చిన్నవాడు. షాహీన్ చేసుకున్న అన్షా రెండో కూతురు.

Exclusive scenes from wedding ceremony of Shaheen Shah Afridi with Shahid Afridi’s daughter Ansha Afridi in Karachi. #ShaheenShahAfridi #BabarAzam #ShahidAfridi #Karachi #TOKReports pic.twitter.com/RAWBvSMgwr

— Times of Karachi (@TOKCityOfLights) September 19, 2023

Heartiest congratulations! ❤️ pic.twitter.com/jo0lDPYURT

— Babar Azam (@babarazam258) September 19, 2023