Viral Video: ఆడపిల్ల కాదు ఆడపులి.. ఆటోను అమాంతం లేపి తల్లిని కాపాడిన బాలిక! వీడియో వైరల్
- ఆటోను అమాంతం లేపిన బాలిక
- ఆటోలో ఇద్దరు వ్యక్తులు ఉండడం గమనార్హం
- తల్లిని కాపాడిన బాలికపై ప్రశంసల వర్షం
Mangaluru Girl Lifts Auto To Rescue Mother: ‘ఆడపిల్ల’ అని తక్కువగా అంచనా వేయకూడదు. ఆపద వస్తే ‘మహంకాళి’గా మారుతుంది. కళ్ల ముందు ఆపద ఉంటే ఎలాంటి సాహసానికైనా వెనగడుగు వేయదు. ఇక కన్న తల్లికి ఏదైనా జరిగితే ఊరుకుంటుందా?.. క్షణం కూడా ఆలోచించదు. తాజాగా ఓ స్కూల్ విద్యార్థిని తన తల్లిని కాపాడేందుకు.. బోల్తాపడిన ఆటోను అమాంతం పైకి లేపింది. ఇందుకు సంబంధించిన వీడియో ప్రస్తుతం సోషల్ మీడియాలో వైరల్గా మారింది.
వివరాల ప్రకారం… మంగళూరులోని కిన్నీగోళి రామనగర్లో ఓ మహిళ ఆవలివైపు ఉన్న తన కుమార్తె కోసం రోడ్డు దాటడానికి ప్రయత్నించింది. తన స్కూటీని పార్క్ చేసిన మహిళ వేగంగా నడుస్తూ రోడ్డు దాటుతోంది. ఆ సమయంలో ఓ ఆటో వచ్చి ఆమెను ఢీకొట్టింది. తల్లిపై ఆటో పడటం చూసిన స్కూల్ విద్యార్ధిని మెరుపు వేగంతో పరుగెత్తుకెళ్లింది. తన రెండు చేతులతో ఆటోను అమాంతం లేపి తల్లిని కాపాడుకుంది. ఆ సమయంలో ఆటోలో ఇద్దరు వ్యక్తులు ఉండడం గమనార్హం. తల్లిని కాపాడుకోవాలనే తాపత్రయంలో బాలికకు అంత శక్తి ఎక్కడి నుంచి వచ్చిందో ఆ దేవుడికే తెలియాలి.
Also Read: Iphone 16 Launch: నేడే ‘ఐఫోన్ 16’ సిరీస్ లాంచ్.. ఫుల్ డీటెయిల్స్ ఇవే!
ఆటో ప్రమాదంలో తీవ్రంగా గాయపడిన మహిళను స్థానికులు ఆసుపత్రికి తరలించారు. ప్రస్తుతం ఆమె ఆరోగ్య పరిస్థితి మెరుగ్గానే ఉందని తెలిసింది. ఈ ఘటనలో ఆటో డ్రైవర్తో పాటు అందులోని ప్రయాణికుడికి స్వల్ప గాయాలయ్యాయి. ఈ ప్రమాద దృశ్యాలు రోడ్డు పక్కనే ఉన్న ఓ షాపు సీసీటీవీలో రికార్డయ్యాయి. తల్లిని కాపాడిన బాలికను అందరూ అభినందిస్తున్నారు. గాయపడిన మహిళను రాజరత్నాపూర్కు చెందిన చేతన (35)గా పోలీసులు గుర్తించారు. ట్యూషన్కు వెళ్లిన తన కూతురిని తీసుకురావడానికి వెళ్లిన చేతన.. ట్యూషన్ సెంటర్ దగ్గర ప్రమాదానికి గురైంది.
ఆ అడపిల్ల ..
కాదు కాదు ఆడపులి కి💥🔥
మనం ఖచ్చితంగా అభినందనలు చెప్పవలసిందే !! pic.twitter.com/weXc1FMSLO— 🐎🔱 సుజత్ 🕉️✝️☪️ (@Kadirodu) September 8, 2024