SBI CBO Recruitment 2025: SBIలో 3,323 సీబీవో జాబ్స్.. ఇంకా రెండ్రోజులే ఛాన్స్.. వెంటనే అప్లై చేసుకోండి
- SBIలో 3,323 సీబీవో జాబ్స్
- ఇంకా రెండ్రోజులే ఛాన్స్
అవకాశం వచ్చినప్పుడే ఒడిసిపట్టుకోవాలి. మళ్లీ మళ్లీ అదృష్టం తలుపు తట్టదు కదా. మీ లైఫ్ సెట్ చేసుకోవడానికి కూడా ఇదే గోల్డెన్ ఛాన్స్. మంచి జాబ్ సాధించి లైఫ్ లో స్థిరపడాలనుకుంటే ఈ బ్యాంక్ జాబ్స్ ను అస్సలు వదలకండి. ప్రభుత్వ రంగానికి చెందిన దిగ్గజ బ్యాంక్ స్టేట్ బ్యాంక్ ఆఫ్ ఇండియా నిరుద్యోగులకు గుడ్ న్యూస్ అందించింది. వేల సంఖ్యలో ఉద్యోగాల భర్తీకి రెడీ అయ్యింది. సర్కిల్ బేస్డ్ ఆఫీసర్ ఉద్యోగాల భర్తీకి నోటిఫికేషన్ రిలీజ్ చేసింది. ఈ రిక్రూట్ మెంట్ ద్వారా మొత్తం 3,323 పోస్టులను భర్తీచేయనున్నారు. అప్లై చేసుకునేందుకు ఇంకా రెండ్రోజులే ఛాన్స్ ఉంది.
ఈ పోస్టులకు పోటీపడే వారు గుర్తింపు పొందిన విశ్వవిద్యాలయం నుంచి ఏదైనా విభాగంలో డిగ్రీ ఉత్తీర్ణులై ఉండాలి. మెడిసిన్, ఇంజనీరింగ్, చార్టర్డ్ అకౌంటెన్సీ లేదా కాస్ట్ అకౌంటెన్సీలో డిగ్రీ ఉన్న అభ్యర్థులు కూడా అప్లై చేసుకోవచ్చు. అభ్యర్థుల వయసు 21 నుంచి 30 సంవత్సరాల మధ్య ఉండాలి. ఆన్లైన్ పరీక్ష, స్క్రీనింగ్, ఇంటర్వ్యూ, స్థానిక భాషా ప్రావీణ్య పరీక్ష ఆధారంగా ఎంపిక చేస్తారు.
ఎంపికైన అభ్యర్థులు ప్రస్తుత నిబంధనల ప్రకారం ఇతర అలవెన్సులతో పాటు రూ. 48,480 ప్రారంభ వేతనం పొందుతారు. దరఖాస్తు ఫీజు జనరల్/ఓబీసీ/ఈడబ్ల్యూఎస్ రూ. 750 చెల్లించాలి. SC/ST/PwBD వారికి ఫీజు నుంచి మినహాయింపునిచ్చారు. అర్హత, ఆసక్తి ఉన్నవారు మే 29 వరకు ఆన్ లైన్ విధానంలో అప్లై చేసుకోవచ్చు. పూర్తి వివరాల కోసం ఈ లింక్ పై క్లిక్ చేయండి.