టాలీవుడ్లో తన ప్రత్యేక నటనతో గుర్తింపు తెచ్చుకున్న నటుడు సత్యదేవ్ , చిన్న చిన్న పాత్రలతో ప్రారంభించి ఇప్పుడు లీడ్ హీరోగా ఎదిగిన సంగతి తెలిసిందే. కష్టపడి ఒక్కో అవకాశాన్ని అందిపుచ్చుకుంటూ ఎదిగిన ఆయన ప్రయాణంలో ఎన్నో ఆసక్తికర అనుభవాలు ఉన్నాయి. అలాంటి ఓ సంఘటనను తాజాగా తన ‘రావు బహదూర్’ సాంగ్ లాంచ్ ఈవెంట్లో సత్యదేవ్ పంచుకున్నారు.
Also Read : Samyuktha Menon: 45 డిగ్రీల వేడిలో షూటింగ్.. సంయుక్త మీనన్ ఎమోషనల్ పోస్ట్ వైరల్
సత్యదేవ్ మాట్లాడుతూ.. ‘నేను ఒక సినిమాలో మహేష్ బాబు గారితో కలిసి నటించే ఛాన్స్ దక్కించుకున్నాను. షూటింగ్ సమయంలో మహేష్ బాబు నా భుజం మీద చేయి వేసి మాట్లాడారు. ఆ ఆనందంలో ఊరంతా తిరిగి మహేష్ బాబు గారితో సీన్ చేశానని చెప్పేశాను. కానీ తీరా సినిమా రిలీజ్ అయ్యాక థియేటర్కు వెళ్తే.. ఆ సీన్ ఎడిటింగ్లో లేదు. పోలీసులు వచ్చి చెప్పడంతో ఆ సీన్ తీసేయాల్సి వచ్చిందని తర్వాత తెలిసింది’ అంటూ నవ్వుతూ తన పాత రోజులను గుర్తు చేసుకున్నారు. మహేష్ బాబు వంటి స్టార్ హీరో పక్కన సీన్ కట్ అయితే ఏ నటుడైనా నిరాశ చెందుతారు. కానీ సత్యదేవ్ అలాంటి దశల నుండి వచ్చి ఈరోజు వెంకటేష్ మహా దర్శకత్వంలో ‘రావు బహదూర్’ వంటి పీరియాడిక్ డ్రామాలో లీడ్ రోల్ చేసే స్థాయికి ఎదిగారు.
