టాలీవుడ్ యంగ్ హీరో సందీప్ కిషన్ గురించి ప్రత్యేకంగా చెప్పాల్సిన పని లేదు..టాలీవుడ్ లో వరుస సినిమాలలో నటించి తనకంటూ ప్రత్యేకమైన గుర్తింపు తెచ్చుకున్నాడు..సందీప్ కిషన్ ఈ ఏడాది “మైఖేల్” అనే గ్యాంగ్ స్టర్ మూవీ లో హీరో గా నటించాడు. రంజిత్ జయకోడి దర్శకత్వంలో రూపొందిన ఈ సినిమాలో విజయ్ సేతుపతి , వరుణ్ సందేశ్ మరియు గౌతమ్ మీనన్ ముఖ్య పాత్రలలో నటించారు. మజిలీ ఫేమ్ దివ్యాంశ కౌశిక్ హీరోయిన్గా నటించింది.ఈ మూవీ భారీ అంచనాలతో ఫిబ్రవరి 3 వ తేదీన థియేటర్ లలో విడుదల అయింది. కానీ ఈ సినిమా బాక్స్ ఆఫీస్ దగ్గర భారీ విజయాన్ని అందుకోలేక పోయింది. ఇదిలా ఉంటే మైఖేల్ మూవీ వరల్డ్ టెలివిజన్ ప్రీమియర్ డేట్ ఫిక్సయింది. నవంబర్ 25 న శనివారం సాయంత్రం ఆరు గంటలకు జీసినిమాలు ఛానెల్లో ఈ గ్యాంగ్స్టర్ యాక్షన్ మూవీ టెలికాస్ట్ కానుంది.
రిలీజ్కు ముందు టీజర్ మరియు ట్రైలర్స్తో మైఖేల్ మూవీ తెలుగు ప్రేక్షకుల్లో ఆసక్తిని రేకెత్తించింది. రొటీన్ స్టోరీ కారణంగా కమర్షియల్ గా ఈ సినిమా సక్సెస్ కాలేదు. . మైఖేల్ మూవీ సందీప్ కిషన్ హీరోగా నటించిన ఫస్ట్ పాన్ ఇండియన్ మూవీ ఇది కావడం గమనార్హం. ఈ సినిమా కథ విషయానికి వస్తే జైలులో పెరిగిన మైఖేల్ (సందీప్ కిషన్) ముంబాయికి ఓ లక్ష్యం కోసం వస్తాడు. ముంబాయి అండర్వరల్డ్ డాన్ గురునాథ్ ను (గౌతమ్ మీనన్) ఓ ఎటాక్ నుంచి రక్షించి అతడికి బాడీగార్డ్ లా మారతాడు. ఓ అమ్మాయిని ప్రేమిస్తాడు మైఖేల్. ఆమె గురునాథ్ శత్రువు రతన్ కూతురు కావడంతో మైఖేల్ ప్రేమకు ఎలాంటి అడ్డంకులు ఎదురయ్యాయి..మైఖేల్ను చంపాలని గురునాథ్ కొడుకు అమర్నాథ్ ఎందుకు ప్రయత్నించాడు అనేదే..మైఖేల్ మూవీ కథ.థియేటర్స్ లో ఆకట్టుకోని మైఖేల్ మూవీ బుల్లి తెర ప్రేక్షకులను ఏ స్థాయిలో అలరిస్తోందో చూడాలి.