Big Offer: శాంసంగ్ నుంచి బంపర్ ఆఫర్.. ఆ ఫోన్‌పై ఏకంగా రూ.37 వేలు డిస్కౌంట్..

శామ్‌సంగ్ గెలాక్సీ S25 ఎడ్జ్ స్మార్ట్‌ఫోన్‌ను ప్రీమియం, అత్యంత సన్నని డిజైన్‌తో భారత మార్కెట్లో రూ.1,09,999 ప్రారంభ ధరతో లాంచ్ చేశారు. ప్రస్తుతం ఫ్లిప్‌కార్ట్‌లో ఈ మోడల్‌పై భారీ డిస్కౌంట్లు , బ్యాంక్ ఆఫర్లు అందుబాటులో ఉన్నాయి. ఎక్స్చేంజ్, బ్యాంక్ డిస్కౌంట్లతో కలిపి ఈ ఫోన్ రూ. 59,999 లకే లభించే అవకాశం ఉంది. సాధారణంగా ఫ్లిప్‌కార్ట్ లిస్టింగ్‌లో 12GB RAM, 256GB స్టోరేజ్ వేరియంట్ ధర సుమారు రూ.76,999గా ఉంది, అయితే బ్యాంక్ ఆఫర్లతో లాంచ్ ధర కంటే దాదాపు రూ.37,000 తక్కువకే దీనిని సొంతం చేసుకోవచ్చు.

ఈ ఫోన్ ప్రధాన ఆకర్షణ దీని 5.8mm అత్యంత సన్నని డిజైన్, 163 గ్రాముల తేలికైన బరువు. ఇందులో టైటానియం ఫ్రేమ్, కార్నింగ్ గొరిల్లా గ్లాస్ సిరామిక్ 2 రక్షణతో కూడిన 6.7 అంగుళాల QHD+ డైనమిక్ AMOLED 2X LTPO డిస్ప్లేను అందించారు. ఈ డిస్ప్లే 120Hz రిఫ్రెష్ రేట్, 2,600 నిట్స్ పీక్ బ్రైట్‌నెస్‌కు సపోర్ట్ చేస్తుంది.

అద్భుతమైన పనితీరు కోసం క్వాల్కమ్ స్నాప్‌డ్రాగన్ 8 ఎలైట్ ప్రాసెసర్‌ను ఉపయోగించారు. మల్టీటాస్కింగ్, గేమింగ్, AI ఫీచర్లకు ఇది ఎంతో అనుకూలంగా ఉంటుంది. కెమెరా విభాగంలో 200 మెగాపిక్సెల్ ప్రైమరీ కెమెరా, 12 మెగాపిక్సెల్ ఆల్ట్రా-వైడ్ కెమెరాతో పాటు సెల్ఫీల కోసం 12 మెగాపిక్సెల్ ఫ్రంట్ కెమెరా ఉన్నాయి. అయితే, స్లిమ్ డిజైన్ కారణంగా ఇందులో 3,900mAh బ్యాటరీని మాత్రమే అందించారు, ఇది 25W వైర్డ్ ఛార్జింగ్‌కు సపోర్ట్ చేస్తుంది. కొనుగోలు చేసే ముందు లైవ్ ధరలు, స్టాక్‌ను తనిఖీ చేయడం మంచిది.