SAINDHAV: సెకండ్ సింగిల్ రిలీజ్ పై అప్డేట్ ఇచ్చిన మేకర్స్..

టాలీవుడ్‌ సీనియర్ స్టార్ హీరో వెంకటేష్ నటిస్తున్న లేటెస్ట్ మూవీ సైంధవ్..ఈ సినిమాకు హిట్ ఫేం శైలేష్‌ కొలను దర్శకత్వం వహిస్తున్నాడు.వెంకటేష్ 75వ సినిమాగా యాక్షన్‌ థ్రిల్లర్‌ జోనర్‌లో తెరకెక్కుతున్న ఈ మూవీ 2024 సంక్రాంతి కానుకగా జనవరి 13న తెలుగు, తమిళం, మలయాళం, కన్నడ మరియు హిందీ భాషల్లో ప్రపంచవ్యాప్తంగా గ్రాండ్‌గా విడుదల కానుంది. కాగా విడుదల సమయం దగ్గరపడుతున్న నేపథ్యంలో చిత్ర యూనిట్ వరుస ప్రమోషనల్ ఈవెంట్స్ తో సినిమా పై హైప్ పెంచేస్తుంది.తాజాగా సైంధవ్‌ సినిమాకు సంబంధించి అదిరిపోయే అప్‌డేట్ అందించారు మేకర్స్‌. ఇప్పటికే ఫస్ట్ సింగిల్ విడుదల చేయగా.. ఇక రెండో సింగిల్‌ విడుదలకు మేకర్స్ సిద్ధం అయ్యారు.. రేపు విజయవాడ, గుంటూరు పట్టణాల్లో సందడి చేయనుంది సైంధవ్‌ టీం. మధ్యాహ్నం 2 గంటలకు వివిఐటీ కాలేజీ లో సాయంత్రం 5 గంటలకు కె ఎల్ యూ యూనివర్సిటీ లో విద్యార్థుల మధ్య సాంగ్‌ను లాంఛ్ చేయనున్నట్టు తెలియజేస్తూ కొత్త లుక్‌ విడుదల చేశారు . వెంకీ తన క్యూట్‌ ఫ్యామిలీతో ఉన్న స్టిల్ ఇప్పుడు నెట్టింట బాగా వైరల్ అవుతోంది.

ఇటీవలే మేకర్స్‌ లాంఛ్‌ చేసిన ‘రాంగ్ యూసేజ్’ అనే ఫస్ట్ సింగిల్ ఎంతగానో ఆకట్టుకుంటుంది.చంద్రప్రస్థ ఫిక్షనల్ పోర్ట్‌ ఏరియా బ్యాక్‌డ్రాప్‌లో సాగే మిషన్‌ నేపథ్యంలో తెరకెక్కుతున్న సైంధవ్‌ మూవీ లో జెర్సీ ఫేం శ్రద్ధా శ్రీనాథ్‌ హీరోయిన్ గా నటిస్తుంది.. ఈ మూవీలో బాలీవుడ్‌ యాక్టర్‌ నవాజుద్దీన్ సిద్దిఖీ, ఆర్య, రుహానీ శర్మ మరియు ఆండ్రియా జెర్మియా కీలక పాత్రలు పోషిస్తున్నారు. ఈ మూవీతో బాలీవుడ్‌ యాక్టర్ నవాజుద్దీన్ సిద్దిఖీ టాలీవుడ్‌ ఎంట్రీ ఇస్తున్నారు .ఇప్పటికే మేకర్స్‌ సైంధవ్‌ పాత్రలకు సంబంధించిన ఇంట్రడక్షన్‌ వీడియో షేర్ చేయగా.. నెట్టింట బాగా వైరల్ అవుతుంది.ఈ చిత్రంలో శ్రద్ధా శ్రీనాథ్‌ మనోజ్ఞగా, రుహానీ శర్మ డాక్టర్‌గా అలాగే నవాజుద్దీన్ సిద్దిఖీ వికాస్ మాలిక్ పాత్రలో మరియు కోలీవుడ్‌ యాక్టర్ ఆర్య మానస్ పాత్రలో కనిపించనున్నారు. సైంధవ్ మూవీని నిహారిక ఎంటర్‌టైన్‌మెంట్‌ బ్యానర్‌పై వెంకట్‌ బోయనపల్లి నిర్మిస్తున్నారు. ఈ చిత్రానికి సంతోష్‌ నారాయణన్‌ మ్యూజిక్ అందిస్తున్నారు.

The team of #SAINDHAV will be visiting Vijayawada & Guntur tomorrow ❤️‍🔥

The second single will have a special launch amidst the energetic students 💥

2PM @ VVIT College
5PM @ KLU University#SaindhavOnJAN13th

Victory @VenkyMama #SsaraPalekar @Nawazuddin_S @arya_offl… pic.twitter.com/TfGE5NU189

— Niharika Entertainment (@NiharikaEnt) December 10, 2023