ఓటీటీలో చిన్నా, పెద్ద సినిమాలు అన్ని కూడా స్ట్రీమింగ్ అవుతున్నాయి… ఇక్కడ రిలీజ్ అయిన సినిమాలు అన్ని కూడా మంచి హిట్ టాక్ ను సొంతం చేసుకుంటున్నాయి.. చిన్న చిత్రాలు ఆడితే థియేటర్లలో ఆడేవి. ఆ తర్వాత దాదాపు అందరూ వాటిని మర్చిపోయేవారు. కానీ ఇప్పుడు ఓటీటీల పుణ్యమా అని వాటిని చూసేవాళ్లు కొందరు ఉంటున్నారు. ఇప్పుడు అలాంటి వాళ్ల కోసమా అన్నట్లు మరో తెలుగు సినిమా ఓటీటీలోకి వచ్చేసింది.. ఆ సినిమా ఏంటో ఎక్కడ స్ట్రీమింగ్ అవుతుందో ఇప్పుడు ఒకసారి చూద్దాం..
‘ సాచీ ‘.. ఈ సినిమా గత ఏడాది మార్చిలో విడుదల అయ్యింది.. అయితే చిన్న సినిమా కావడంతో పాటు పెద్దగా పేరున్న నటులు లేకపోవడంతో ఎప్పుడొచ్చి వెళ్లిపోయిందో కూడా ఎవరికీ తెలియకుండా పోయింది. మహిళ సాధికారత అనే అంశాన్ని ప్రధానంగా తీసుకుని నిజ జీవిత సంఘటనల ఆధారంగా ఈ సినిమాని తెరాకెక్కించారు.. బార్బర్ షాప్ నడిపే తండ్రి.. అంతంత మాత్రంగా ఉండే సంపాదన.. ఇతడికి ముగ్గురు కూతుళ్లు. అంతా బాగానే ఉందనుకునే టైంలో బ్రెయిన్ ట్యూమర్ జబ్బు వస్తుంది. దీంతో ఇల్లు గడవడం కష్టమైపోతుంది. ఇలాంటి టైంలో కూతురే తండ్రి బాధ్యతలు అందుకుంటుంది..
ఆ అమ్మాయి ఎలాంటి సవాళ్ళను ఎదుర్కొంటుంది.. సమాజం ఎలా చూస్తుంది అనేదాని పై కథ మొత్తం తిరుగుతుంది.. స్టోరీ పరంగా మంచి పాయింట్ ఎంచుకున్నప్పటికీ మరీ సాగదీసినట్లు ఉండటం ఈ సినిమాకు మైనస్ పాయింట్లా అనిపించింది. ఇందులో పెద్దగా పేరున్న నటులు కూడా ఎవరూ లేరు. ప్రస్తుతానికి భారత్లో తప్పితే మిగతా దేశాల్లో అమెజాన్ ప్రైమ్లో స్ట్రీమింగ్ అవుతోంది.. త్వరలోనే ఇక్కడ కూడా స్ట్రీమింగ్ అవ్వబోతుంది..
