రష్యాపై దాడి చేసేందుకు తమ క్షిపణులను ఉక్రెయిన్‌కు ఇవ్వవద్దని.. ఇస్తే తీవ్ర పరిణామాలు ఎదుర్కోవాల్సి ఉంటుందని రష్యా అధ్యక్షుడు వ్లాదిమిర్ పుతిన్ పాశ్చాత్య దేశాలను హెచ్చరించారు. ఐరోపాలోని నాటో సభ్యులు ఉక్రెయిన్‌కు పాశ్చాత్య ఆయుధాలను ప్రయోగించమని ఆఫర్ చేయడం ద్వారా నిప్పుతో ఆడుకుంటున్నారు అని మండిపడ్డారు. అంతే కాదు ఉక్రెయిన్‌తో శాంతి చర్చలను రష్యా ఎప్పుడూ వ్యతిరేకించలేదని తెలిపారు. ఉక్రెయిన్ మాత్రం శాంతి చర్చల నుంచి వైదొలిగిందని ఆయన గుర్తు చేశారు. ఉక్రెయిన్‌తో శాంతి చర్చలకు సిద్ధంగా ఉన్నామన్నారు. ఉక్రెయిన్‌లోని ఖార్కివ్ ప్రాంతంలో రష్యా సైనికులపై దాడికి పశ్చిమ దేశాలు ప్రేరేపించాయని రష్యా అధ్యక్షుడు పుతిన్ తెలిపారు.
Read Also: Rishabh Pant: జనం చూస్తే ఎలా అని భయపడ్డాను: పంత్‌
పాశ్చాత్య దేశాలు సరఫరా చేసే ఆయుధాలతో రష్యా భూభాగంపై దాడులు జరగాలంటే పాశ్చాత్య నిపుణుల సహకారంతోనే సాధ్యమవుతుంది అని అధ్యక్షుడ వ్లాదిమిర్ పుతిన్ అన్నారు. దీని వల్ల పాశ్చాత్య దేశాలకు భారీ నష్టం వాటిల్లుతుందని హెచ్చరించారు. వారు తీవ్రమైన పరిణామాలను ఎదుర్కోవలసి పరిస్థితి వస్తుంది.. మరోవైపు, రష్యాలో ఉక్రెయిన్ దాడి చేయడానికి కూటమి సభ్య దేశాలు అనుమతించాలని నాటో సెక్రటరీ జనరల్ జెన్స్ స్టోల్టెన్‌బర్గ్ ఎకనామిస్ట్‌తో అన్నారు. రష్యా గడ్డపై దాడులకు బ్రిటన్ ఇచ్చిన ఆయుధాలను ఉపయోగించుకునే హక్కు ఉక్రెయిన్‌కు ఉందని బ్రిటన్ విదేశాంగ మంత్రి డేవిడ్ కామెరూన్ చెప్పారు.
Read Also: Mirzapur 3 : మీర్జాపూర్ సీజన్ 3 నుండి స్పెషల్ అప్డేట్.. స్ట్రీమింగ్ ఎప్పుడంటే..?
అయితే, ఉక్రెయిన్ అధ్యక్షుడు వోలోడిమిర్ జెలెన్స్కీ ఐదేళ్ల పదవీకాలం ముగిసినందున ఉక్రెయిన్ అధ్యక్ష ఎన్నికలు నిర్వహించాలని రష్యా అధ్యక్షుడు వ్లాదిమిర్ పుతిన్ అన్నారు. జెలెన్స్కీ తన పదవీకాలం ముగిసినప్పటి నుంచి ఎన్నికలను ఎదుర్కోలేదన్నారు. ఉక్రెయిన్‌లో ఇప్పుడు చట్టబద్ధమైన అధికారం పార్లమెంటుది మాత్రమేనని.. దాని అధిపతికి అన్ని అధికారాలు ఇవ్వాలని రష్యా అధ్యక్షుడు అన్నారు. ఇంతలో, ఉక్రెయియన్ అధ్యక్షుడు వోలోడిమిర్ జెలెన్స్కీ తన మూడు దేశాల ఈయూ పర్యటన సందర్భంగా బెల్జియం నుంచి US $ 1 బిలియన్ సైనిక సహాయానికి రెండవ వాగ్దానాన్ని అందుకున్నారు. బెల్జియం కూడా నిధులను పెంచడంతో.. రాబోయే నాలుగు సంవత్సరాల్లో ఉక్రెయిన్‌కు 30 F-16 యుద్ధ విమానాలను అందించడానికి రెడీ అయింది. ఈ సంవత్సరం యుద్ధభూమిలో F-16ని ఉపయోగించడం ద్వారా మేము మా స్థానాన్ని బలోపేతం చేస్తాము అని ఉక్రెయిన్ అధ్యక్షుడు జెలెన్స్కీ పేర్కొన్నారు.