Russian Influencers: ఉక్రెయిన్ దాడిలో ఆయిల్ డిపో తగలబడుతుంటే.. కూల్ గా రీల్స్.. షాకిచ్చిన ప్రభుత్వం(వీడియో)

రష్యాలోని సోచి నగరంలో ఉక్రెయిన్ డ్రోన్ దాడి కారణంగా కాలిపోతున్న రోస్‌నెఫ్ట్-కుబన్‌నెఫ్టెప్రొడక్ట్ ఆయిల్ డిపో ముందు టిక్‌టాక్ వీడియో చిత్రీకరించిన ఇద్దరు యువ రష్యన్ ఇన్‌ఫ్లుయెన్సర్లు డార్య వ్లాదిమిరోవ్నా లోస్కుటోవా (21), కరీనా ఎవ్గెన్యేవ్నా ఓషుర్కోవా (20)లను రష్యన్ అధికారులు అరెస్ట్ చేశారు. ఈ ఘటన ఆగస్టు 3, 2025న జరిగింది. ఈ వీడియోలో వారితో పాటు ఒక గుర్తు తెలియని వ్యక్తి కూడా ఉన్నాడు. ఈ వీడియో రష్యన్ ర్యాపర్ ఎండ్‌ష్పిల్ “క్రిమ్సన్ డాన్” పాటకు సెట్ చేశారు. ఇది ఉక్రెయిన్ దాడికి మద్దతు ఇచ్చే విధంగా కనిపించిందని అధికారులు భావించారు.రీల్స్ చేసిన వారిపై చర్యలు తీసుకున్నారు.

Also Read:KTR: ఈవీఎం వద్దు.. బ్యాలెట్ పేపర్ ముద్దు

ఆగస్టు 3, 2025 రాత్రి ఉక్రెయిన్ లాంగ్-రేంజ్ డ్రోన్‌లు సోచిలోని రోస్‌నెఫ్ట్ ఆయిల్ డిపోను లక్ష్యంగా చేసుకుని దాడి చేశాయి. ఈ దాడిలో 30 భారీ పేలుళ్లు సంభవించాయి. దీని వల్ల ఆయిల్ డిపోలో భారీ అగ్నిప్రమాదం సంభవించింది. ఈ ఘటన సోచి విమానాశ్రయంలో విమాన సేవలను తాత్కాలికంగా నిలిపివేసింది. 50కి పైగా విమానాలు దారి మళ్లించారు. 127 మంది ఫైర్‌ఫైటర్లు ఈ మంటలను ఆర్పడానికి శ్రమించారు, దాదాపు 11 గంటల తర్వాత అగ్ని నియంత్రణలోకి వచ్చింది.ఈ దాడి సమయంలో, డార్య, కరీనా ఆయిల్ డిపో దగ్గర నిలబడి, ఆయిల్ డిపో తగలబడుతుంటే ర్యాప్ చేస్తూ వీడియో చిత్రీకరించారు. ఈ వీడియో సోషల్ మీడియాలో వైరల్ అయింది.

Also Read:YS Jagan: మూడేళ్ల తర్వాత అధికారం మనదే.. వారంతా జైలుకే..!

దీనిని రష్యన్ అధికారులు ఆన్‌లైన్ మానిటరింగ్ ద్వారా గుర్తించారు. ఈ వీడియో ఉక్రెయిన్ సైనిక విజయాలను గౌరవించే విధంగా ఉందని, రష్యా వైమానిక రక్షణ వ్యవస్థలు విఫలమైనట్లు చూపిస్తుందని అధికారులు భావించారు. ఇది రష్యా ప్రభుత్వానికి అసంతృప్తిని కలిగించింది. రష్యన్ అధికారులు వీడియోను గుర్తించిన తర్వాత, డార్య, కరీనా గుర్తు తెలియని మరో వ్యక్తిని అదుపులోకి తీసుకున్నారు. అడ్లర్ జిల్లా కోర్టులో కరీనా ఓషుర్కోవాపై “ఎమర్జెన్సీ సమయంలో సరైన ప్రవర్తన నియమాలను ఉల్లంఘించిన” ఆరోపణలతో కేసు నమోదు చేశారు.

Also Read:Dr Namrata: ముగిసిన డాక్టర్ నమ్రత 5 రోజుల కస్టడీ.. వెలుగులోకి ఆకృత్యాలు..!

ఆమెకు 30,000 రూబుల్స్ (సుమారు $376) జరిమానా విధించారు. “అగ్నిప్రమాద నేపథ్యంలో వీడియోను చిత్రీకరించి సోషల్ నెట్‌వర్క్‌లో పోస్ట్ చేసినందుకు మేము హృదయపూర్వకంగా క్షమాపణలు కోరుతున్నాము. ఎవరినీ అవమానించే లేదా కించపరిచే ఉద్దేశ్యంతో మేము వీడియోను పోస్ట్ చేయలేదు. ఇకపై అలాంటి తప్పులు చేయబోమని మేము ప్రతిజ్ఞ చేస్తున్నాము. రష్యన్ చట్టం ప్రకారం శిక్ష అనుభవించడానికి మేము సిద్ధంగా ఉన్నాము” అని టిక్‌టోకర్స్ ది సన్ ప్రకారం తెలిపింది. ఈ ఘటన రష్యా-ఉక్రెయిన్ యుద్ధంలో భాగంగా జరిగిన అనేక డ్రోన్ దాడులలో ఒకటి. ఉక్రెయిన్ తన లాంగ్-రేంజ్ డ్రోన్‌లతో రష్యా సైనిక సదుపాయాలను లక్ష్యంగా చేసుకుంటోంది. దీనికి ప్రతిగా రష్యా ఉక్రెయిన్‌లోని కీలక మౌలిక సదుపాయాలపై దాడులను తీవ్రతరం చేస్తోంది.

Two women, identified as 21-year-old Darya and 19-year-old Karina, alongside an unidentified male, have been arrested after filming a social media video earlier today in front of a burning oil depot in Adler, Southwestern Russia, which was targeted last night in a large-scale… pic.twitter.com/R8xr0xyqdu

— OSINTdefender (@sentdefender) August 3, 2025