RR vs DC: ప్లే ఆఫ్స్‌కు అర్హత సాధించాలని లక్ష్యంగా బరిలోకి రాజస్థాన్ రాయల్స్..

ఐపీఎల్ 2024, 56వ మ్యాచ్ ఢిల్లీ క్యాపిటల్స్ (DC), రాజస్థాన్ రాయల్స్ (RR) మధ్య మంగళవారం, న్యూఢిల్లీలోని అరుణ్ జైట్లీ స్టేడియంలో జరగనుంది. ఐపీఎల్ 2024లో రాజస్థాన్ ఇప్పటివరకు బాగా ఆడింది. దాంతో ప్రస్తుతం పాయింట్ల పట్టికలో పటిష్ట స్థితిలో ఉంది. అదే సమయంలో ఢిల్లీ కూడా ప్లేఆఫ్‌లోకి వెళ్లేందుకు తీవ్రంగా ప్రయత్నిస్తోంది. ఈ సీజన్‌లో తొమ్మిదో గేమ్‌లో ఇరు జట్లు చివరిసారి తలపడగా, రాజస్థాన్ రాయల్స్ 12 పరుగులతో గెలిచింది.

Also Read: Rohith Sharma: డ్రెస్సింగ్ రూమ్‌లో క‌న్నీళ్లు పెట్టుకున్న హిట్ మ్యాన్.. అందుకేనా..

ఈ సీజన్‌లో 11 మ్యాచ్లు ఆడిన ఢిల్లీ క్యాపిటల్స్ 10 పాయింట్లతో 5 విజయాలు, 6 ఓటములతో పాయింట్ల పట్టికలో ఆరో స్థానంలో ఉంది. అయినప్పటికీ, వారు ఇప్పటికీ ప్లే ఆఫ్ రేస్ లో ఉన్నారు. రిషబ్ పంత్ నేతృత్వంలోని ఢిల్లీ క్యాపిటల్స్ తన చివరి మ్యాచ్‌లో కోల్‌కతా నైట్ రైడర్స్‌ తో ఏడు వికెట్ల తేడాతో ఓడిపోయింది. అటువంటి పరిస్థితిలో, ఢిల్లీ జట్టు రాజస్థాన్ రాయల్స్‌పై గెలిచి పాయింట్ల పట్టికలో ముందుకు సాగాలని కోరుకుంటుంది.

Also Read: CM YS Jagan: తప్పు పట్టిన సైకిల్‌ను బాగుచేసుకునేందుకు చంద్రబాబు తంటాలు..!

మరోవైపు రాజస్థాన్ 10 మ్యాచ్‌ల్లో 8 విజయాలతో పాయింట్ల పట్టికలో రెండో స్థానంలో ఉంది. ఈ ఏడాది ఐపీఎల్‌లో రాజస్థాన్ అద్భుతమైన ప్రదర్శన చేసింది. అయితే చివరి గేమ్‌లో సన్‌రైజర్స్ హైదరాబాద్‌తో జరిగిన మ్యాచ్‌లో రాజస్థాన్ రాయల్స్ ఒక్క పరుగుతో ఓటమి పాలైంది. ఇప్పుడు ఢిల్లీతో జరిగే గేమ్‌లో గెలిచి పాయింట్ల పట్టికలో అగ్రస్థానంలో నిలవాలని సంజూ శాంసన్ టీం భావిస్తుంది. ఈ రెండు టీమ్స్ హెడ్-టు-హెడ్ రికార్డ్ చూస్తే.. మొత్తం 28 మ్యాచ్‌ల్లో తలపడగా., ఇందులో రాజస్థాన్ రాయల్స్ 15 మ్యాచ్‌లు గెలిచింది. మరోవైపు ఢిల్లీ క్యాపిటల్స్ 13 మ్యాచ్‌ల్లో విజయం సాధించింది.