Road Accident: విశాఖలో ఫ్లైఓవర్ పై నుంచి పడి ఇద్దరు దుర్మరణం..

ఈ మధ్యకాలంలో తరచుగా ప్రపంచ వ్యాప్తంగా అనేక రోడ్డు ప్రమాదాలు సంభవిస్తున్నాయి. వీటి ద్వారా అనేకమంది ప్రాణాలు కోల్పోతుండగా.., మరికొందరు అంగవైకల్యంతో ఇబ్బందులు పడుతున్నారు. సోషల్ మీడియాలో అనేక రోడ్ యాక్సిడెంట్ వీడియోస్ చాలానే చూసాం. తాజాగా ఆంధ్రప్రదేశ్లోని వైజాగ్ నగరంలో కూడా ఓ ఘోర రోడ్డు ప్రమాదం చోటుచేసుకుంది. ప్రస్తుతం ఈ వీడియో సోషల్ మీడియాలో వైరల్ గా మారింది. ఈ వీడియో సంబంధించి పూర్తి వివరాలు చూస్తే..

Also Read: Kami Rita Sherpa: తన రికార్డును తానే బద్దలు కొడుతూ.. ఎవరెస్ట్‌ను అత్యధికసార్లు అధిరోహించిన వ్యక్తి..

ఆంధ్రప్రదేశ్‌లోని విశాఖపట్నంలో ఘోర ప్రమాదం జరిగింది. ఎన్ఏడి ఫ్లై ఓవర్‌ పాస్ వద్ద, డ్యూక్ మోటార్ సైకిల్ అదుపు తప్పి ఓవర్‌ పాస్ గోడను ఢీకొట్టింది. ఫలితంగా, ముగ్గురు మోటారుసైకిల్ లో ప్రయాణిస్తున్న వారు అమాంతం గాలిలో ఎగిరి పడ్డారు. ఓవర్‌ పాస్ నుండి కిందకు పడిపోయారు. దీంతో మోటార్‌సైకిల్‌పై ఉన్న ముగ్గురిలో ఇద్దరు అక్కడికక్కడే మృతి చెందగా, మరొకరికి తీవ్ర గాయాలయ్యాయి. ప్రమాదానికి సంబంధించిన వీడియో ఇప్పటికే సోషల్ నెట్‌వర్క్‌లలో వైరల్ గా మారింది. ప్రమాదానికి గురైన వ్యక్తిని స్థానిక ఆస్పత్రికి తరలించి చికిత్స అందిస్తున్నారు. ఇక ఈ ప్రమాదానికి సంబంధించిన పూర్తి వివరాలు కూడా తెలియాల్సి ఉంది.