ప్రముఖ స్మార్ట్ ఫోన్ తయారీ కంపెనీ రెడ్ మీ కొత్త టాబ్లెట్ ను త్వరలో భారత మార్కెట్ లో రిలీజ్ చేసేందుకు రెడీ అవుతోంది. రెడ్ మీ ఇండియా నుంచి విడుదలైన కొత్త టీజర్లో Redmi Pad 2 Pro 5G త్వరలో భారత మార్కెట్లో అందుబాటులోకి వస్తుందని నిర్ధారించింది. ఈ రాబోయే టాబ్లెట్ మరిన్ని ఫీచర్లను కంపెనీ తదుపరి టీజర్లలో క్రమంగా వెల్లడించనుంది. Xiaomi తన అధికారిక సైట్లో కొత్త టీజర్ పోస్టర్ను విడుదల చేసింది. కొత్త టాబ్లెట్ మోడల్ను వెల్లడించింది. ఈ చిత్రంలో టాబ్లెట్ పైన “Pro” అనే వర్డ్ ఉంది, దాని కింద ” Redmi XXX 2 XXX” అని టెక్ట్స్ ఉంది.
ఇది సెప్టెంబర్ 2025లో ప్రపంచవ్యాప్తంగా విడుదలైన Redmi Pad 2 Pro ని సూచిస్తుంది. ఈ టీజర్లో టాబ్లెట్ లాంచ్ తేదీ, ఫీచర్లు లేదా ధర గురించి Xiaomi ఇతర వివరాలను వెల్లడించలేదు. ఈ టాబ్లెట్ లాంచ్ తర్వాత ఇ-కామర్స్ సైట్లు అమెజాన్, ఫ్లిప్కార్ట్లలో అందుబాటులో ఉంటుంది. మైక్రోసైట్ లిస్టింగ్ రాబోయే రోజుల్లో కొత్త టీజర్లు విడుదల చేయబడతాయని, దాని స్పెసిఫికేషన్ల గురించి మరిన్ని వివరాలను వెల్లడిస్తుందని కూడా వెల్లడించింది.
Redmi రాబోయే Redmi Pad 2 Pro 5G టాబ్లెట్ 12.1-అంగుళాల డిస్ప్లేతో వస్తుందని భావిస్తున్నారు. ఇది 120Hz వరకు రిఫ్రెష్ రేట్, 800 nits వరకు గరిష్ట బ్రైట్నెస్ను అందిస్తుందని భావిస్తున్నారు. ఇది డిస్ప్లే రక్షణ కోసం ప్రొటెక్టివ్ గ్లాస్తో కూడా రావచ్చు. ఈ టాబ్లెట్ Android 16 అవుట్-ఆఫ్-ది-బాక్స్తో రన్ అవుతుందని భావిస్తున్నారు.
Time to close a few windows.
A better view is coming with REDMI *** 2 *** 5G.#ProComingSoon pic.twitter.com/Qenq20drOo— Redmi India (@RedmiIndia) December 18, 2025