వరల్డ్ వైడ్ గా మిలియన్ల కొద్ది యూజర్లు ఇన్స్టాగ్రామ్ ను యూజ్ చేస్తున్నారు. కంటెంట్ క్రియేట్ చేస్తూ కొందరు, ఎంటర్ టైన్ మెంట్ కోసం మరికొందరు వాడుతున్నారు. మరి మీకు కూడా ఇన్ స్టాగ్రామ్ అకౌంట్ ఉందా? అయితే జాగ్రత్తగా ఉండండి. ఎందుకంటే? దాదాపు 17.5 మిలియన్ ఇన్స్టాగ్రామ్ ఖాతాల నుండి డేటా లీక్ అయిందని ఇటీవలి నివేదికలు వెల్లడించాయి. ఈ డేటా లీక్ తర్వాత, పెద్ద సంఖ్యలో యూజర్లను తమ పాస్వర్డ్లను రీసెట్ చేయమని అడుగుతూ ఇమెయిల్లు, నోటిఫికేషన్లను అందుకుంటున్నారు. మీకు అలాంటి ఫేక్ మెసేజ్ వస్తే జాగ్రత్తగా ఉండండి.
సైబర్ భద్రతా నిపుణుల అభిప్రాయం ప్రకారం, ఇది ఖాతా హ్యాకింగ్కు సంబంధించినది. యూజర్ల ఖాతాలను తమ నియంత్రణలోకి తీసుకునేలా సైబర్ క్రిమినల్స్ తప్పుదారి పట్టిస్తారు. ముఖ్యంగా, ఈ సందర్భాలలో పంపిన ఇమెయిళ్ళు పూర్తిగా నిజమైనవిగా కనిపిస్తాయి. ఇన్స్టాగ్రామ్ అధికారిక ID నుండి వచ్చినట్లు కనిపిస్తాయి, దీని వలన వినియోగదారులు ఈ ఉచ్చులో పడటం సులభం అవుతుంది.
మీడియా నివేదికల ప్రకారం, 17.5 మిలియన్ల ఇన్స్టాగ్రామ్ ఖాతాల డేటా బ్రీచ్ ఫోరమ్స్ అనే ఆన్లైన్ ప్లాట్ఫామ్లో అందుబాటులో ఉంది. హ్యాకర్లు పాస్వర్డ్ రీసెట్ అటాక్ అనే కొత్త ఎత్తుగడకు తెరలేపారు. ఈ పద్ధతిలో, హ్యాకర్లు మీ ఖాతా పాస్వర్డ్ను నేరుగా మార్చడానికి ప్రయత్నించరు, బదులుగా ఇన్స్టాగ్రామ్ ద్వారా పాస్వర్డ్ రీసెట్ రిక్వెస్ట్ ను పంపుతారు. యూజర్లు ఈ ఇమెయిల్ను పొందినప్పుడు, దానిని నిజమైన Instagram భద్రతా హెచ్చరికగా పొరపాటుపడి పాస్వర్డ్ రీసెట్ లింక్పై క్లిక్ చేస్తారు. ఈ పొరపాటు ఖాతాను ప్రమాదంలో పడేస్తుంది. దీంతో హ్యాకర్లు ఖాతాపై పూర్తి నియంత్రణను పొందుతారు.
Also Read:Ashika Ranganath : ఈ సంక్రాంతికి లక్ పరీక్షించుకుంటున్న కన్నడ క్యూటీ
పాస్వర్డ్ మార్పు రిక్వెస్ట్ ను మీరే పంపకపోతే, ఈ ఇమెయిల్ను విస్మరించడం మంచిది. మీ ఖాతాను మరింత సురక్షితంగా ఉంచడానికి మీరు టూ ఫ్యాక్టర్ అథెంటికేషన్ ను (2FA)ను కూడా ప్రారంభించవచ్చు. ఈ ఫీచర్ ప్రారంభించబడితే, హ్యాకర్ మీ పాస్వర్డ్ను పొందినప్పటికీ, మీ ఖాతాలోకి లాగిన్ అయ్యే ముందు వారు అదనపు భద్రతా తనిఖీని పాస్ చేయాల్సి ఉంటుంది.
