RCB Fans Celebrations: అర్థరాత్రి RCB ఫ్యాన్స్ రచ్చ రచ్చ.. పోలీసుల లాఠీచార్జ్.!

RCB Fans Celebrations: ఐపీఎల్ 2026 ఫైనల్స్ లో గుజరాత్ టైటాన్స్ (Taitans) పై ఆర్సీబి (RCB) విజయం సాధించడంతో.. హైదరాబాద్ లోని ట్యాంక్ బండ్ దగ్గర ఫ్యాన్స్ రచ్చ రచ్చ చేశారు. సెక్రటేరియేట్, తెలుగుతలి ఫ్లై ఓవర్ దగ్గరికి వందలాది మంది బైక్లపై వచ్చి నానా హంగామా చేశారు. ఆర్సిబికి మద్దతుగా అరుపులు కేకలు వేస్తూ వీరంగం సృష్టించారు. దాంతో రంగంలోకి దిగిన పోలీసులు శృతి మించిన ఫ్యాన్స్ పై లాటీ జులిపించారు. మరికొందరిని మందలించి అక్కడి నుంచి పంపించారు. ఇంకా హైదరాబాద్ నగరంలోని పలు ప్రాంతాలలో అభిమానులు రోడ్లపైకి వచ్చి సంబరాలు చేసుకున్నారు.

మరోవైపు విజయవాడలోనూ ఆర్సీబి (RCB) ఫ్యాన్స్ హల్చల్ చేశారు. రోడ్లపైకి బైక్లపై వచ్చి రచ్చరచ్చ చేశారు. అభిమానులు బాణా సంచ కాల్చుతూ సంబరాలు చేసుకున్నారు. అరుపులు కేకలతో రోడ్లపై హోరెత్తించారు. దాంతో పలు చోట్ల భారీగా ట్రాఫిక్ స్తంభించింది.