టాలీవుడ్ మోస్ట్ సెలబ్రేటెడ్ కపుల్ విజయ్ దేవరకొండ,రష్మిక మందన్నల వివాహ వేడుక ముగిసినా, దానికి సంబంధించిన వార్తలు ఇంకా సోషల్ మీడియాలో సెన్సేషన్ క్రియేట్ చేస్తూనే ఉన్నాయి. తాజాగా రష్మిక తన పెళ్లి రాత్రి జరిగిన విశేషాలను గుర్తుచేసుకుంటూ ఎక్స్ (Twitter) వేదికగా ఒక ఎమోషనల్ నోట్ షేర్ చేశారు. ఆ రాత్రి కేవలం ఒక వేడుక మాత్రమే కాదని, ప్రేమ, కన్నీళ్లు, నవ్వులు, సంగీతం.. డ్యాన్స్లతో నిండిపోయిన ఒక అద్భుతమైన అనుభూతి అని ఆమె పేర్కొన్నారు.
Also Read : Sivaji Raja: నటుడు శివాజీ రాజా ఇంట్లో తీవ్ర విషాదం!
రష్మిక తన పోస్ట్లో రాస్తూ.. ‘ప్రేమ, ఆనందభాష్పాలు, నవ్వులు, మెరుపులు.. మేమిద్దరం రాత్రంతా కలిసి డ్యాన్స్ చేసిన క్షణాలు. నిజంగా అది నా జీవితంలోనే అత్యంత సరదాగా సాగిన రాత్రి. నేను, విజ్జు (విజయ్) ఒకరినొకరం సర్ ప్రైజ్ చేసుకోవాలని అనుకున్నాం.. మా కుటుంబ సభ్యులు మమ్మల్ని సర్ ప్రైజ్ చేయాలని ప్లాన్ చేశారు. అందరం ఎంతో ఎగ్జైట్మెంట్తో ఆ క్షణాలను ఆస్వాదించాం’ అంటూ తన సంతోషాన్ని పంచుకుంది. ఈ పోస్ట్తో పాటు పెళ్లి వేడుకలో విజయ్, రష్మిక కలిసి డ్యాన్స్ చేస్తున్న ఒక అందమైన ఫోటోను కూడా ఆమె షేర్ చేశారు.
ప్రస్తుతం ఈ ఫోటోలు, రష్మిక చేసిన కామెంట్స్ నెట్టింట వైరల్ అవుతున్నాయి. ఫిబ్రవరి 26న ప్రైవేట్ వేడుకగా జరిగిన ఈ వివాహం తర్వాత, మార్చి 4న (రేపు) హైదరాబాద్లో గ్రాండ్ వెడ్డింగ్ రిసెప్షన్ జరగనుంది. ఈ వేడుకకు సినీ, రాజకీయ రంగాలకు చెందిన ప్రముఖులు హాజరుకాబోతున్నారు. విజయ్ తన సొంత ఊరిలో సత్యనారాయణ స్వామి వ్రతం ముగించుకుని రిసెప్షన్ కోసం హైదరాబాద్ చేరుకున్నారు.
The night filled with love, tears of joy, laughter, music, singing, glitters and us dancing through the night. ❤️
It was really the most fun night ever!!
From Vijju and I wanting to surprise each other..
to
family wanting to surprise us..
to
being fully excited and… pic.twitter.com/q7q4oHrl6y— Rashmika Mandanna (@iamRashmika) March 3, 2026