Rakasa: ‘పెద్ది’ సెట్స్‌లో ‘రాకాస’ సందడి.. టీమ్‌కు రామ్ చరణ్ స్పెషల్ బూస్ట్!
- Follow Us :
-
-
Add as a preferred
source on google
మెగా డాటర్ నిహారిక కొణిదెల తన ‘పింక్ ఎలిఫెంట్ పిక్చర్స్’ బ్యానర్‌పై నిర్మిస్తున్న క్రేజీ ఫాంటసీ ఎంటర్టైనర్ ‘రాకాస’. ఏప్రిల్ 3న గ్రాండ్‌గా విడుదల కాబోతున్న ఈ సినిమా ప్రమోషన్లలో భాగంగా, చిత్ర యూనిట్ తాజాగా మెగా పవర్‌స్టార్ రామ్ చరణ్‌ను కలిశారు. ప్రస్తుతం రామ్ చరణ్ డైరెక్టర్ బుచ్చిబాబు దర్శకత్వంలో ‘పెద్ది’ (Peddi) సినిమా షూటింగ్‌లో బిజీగా ఉన్నారు. ఆ సినిమా షూటింగ్ జరుగుతున్న భారీ సెట్స్‌లోకి ‘రాకాస’ టీమ్ వెళ్ళగా, చరణ్ వారితో సరదాగా ముచ్చటించారు.
ఈ సందర్భంగా ‘రాకాస’ గ్లింప్స్, సాంగ్స్ చూసిన రామ్ చరణ్, టీమ్ అందరినీ అభినందించారు. చరణ్ ఇచ్చిన ఈ సపోర్ట్ అటు నిహారికకు, ఇటు హీరో సంగీత్ శోభన్ అండ్ టీమ్‌కు ఫుల్ ఎనర్జీని ఇచ్చింది. “మెగా పవర్‌స్టార్ అప్రిషియేషన్ మా టీమ్‌లో కొత్త ఉత్సాహాన్ని నింపింది” అంటూ నిహారిక తన ఆనందాన్ని పంచుకున్నారు. ‘పెద్ది’ సెట్స్ నుండి వచ్చిన ఈ పిక్చర్స్ ఇప్పుడు నెట్టింట మెగా ఫ్యాన్స్‌ను ఖుషీ చేస్తున్నాయి.