Raja Shivaji First Poster: గల్లీ నుంచి ఢిల్లీ వరకు ఎక్కడ చూసినా ఒక పేరు మారుమోగుతోంది. ఆ పేరు వింటేనే యువకుల రక్తం మరుగుతోంది. ఆయన ఎవరో కాదు.. శ్రీ శ్రీ శ్రీ ఛత్రపతి శివాజీ మహారాజ్. భారత చరిత్రలో మహా వీరుడైన ఛత్రపతి శివాజీ మహారాజు జీవితం ఆధారంగా తెరకెక్కుతున్న భారీ చిత్రంగా “రాజా శివాజీ” ఇప్పటికే దేశమంతా ఆసక్తి రేపుతోంది. ఈ చిత్రంలో రితేశ్ దేశ్ముఖ్ శివాజీగా కనిపించబోతున్నాడు. అయితే.. నేడు శివాజీ జయంతి సందర్భంగా రితేశ్ దేశ్ముఖ్ తొలి పోస్టర్ను రిలీజ్ చేశారు. మొదటి పోస్టరే అభిమానులను ఎంతగానో ఆకట్టుకుంది. ఈ పోస్టర్లో ఆయన రాజసంగా, ధైర్యంగా నిలిచిన తీరు చూసినవారికి గర్వంగా అనిపించేలా ఉంది. ఈ ప్రత్యేకమైన సందర్భాన్ని మరింత భావోద్వేగంగా మార్చింది జెనీలియా దేశ్ముఖ్. ఆమె తన మనసులోని గౌరవాన్ని వ్యక్తం చేస్తూ శివాజీ మహారాజు గురించి ఎంతో ప్రేమతో ఒక సందేశం సోషల్ మీడియాలో పోస్ట్ చేసింది. స్వరాజ్యం కోసం ఒక యువ యోధుడు చేసిన ప్రతిజ్ఞ ఎలా చరిత్రను మార్చిందో ఈ పోస్ట్లో స్పష్టంగా కనిపించింది. “మన రాజు.. మన గర్వం.. మన వారసత్వం” అనే భావం ఆ సందేశం ఉంది. ఈ సినిమా ఇప్పటివరకు చూడని స్థాయిలో ఉంటుందని ఆమె చెప్పడంతో ప్రేక్షకులకు మరింత ఆసక్తి పెరిగింది.
READ MORE: Emmanuel Macron: ‘‘రాఫెల్తో మీ దేశానికే లాభం, విమర్శలు ఎందుకు.?’’
అయితే.. ఈ సినిమా ఒకే భాషకు పరిమితం కావడం లేదు. మరాఠీ, హిందీతో పాటు దక్షిణ భారత భాషల్లోనూ ప్రేక్షకుల ముందుకు రాబోతోంది. మే 1న విడుదలకు సిద్ధమవుతున్న ఈ చిత్రం మహారాష్ట్ర దినోత్సవంతో కలిసివచ్చేలా ఉండటం ప్రత్యేకతగా చెప్పుకోవాలి. పోస్టర్ బయటకు వచ్చిన వెంటనే అభిమానుల స్పందన ఊహించని స్థాయిలో కనిపించింది. “ఎప్పుడు వస్తుందా అని ఎదురుచూస్తున్నాం”, “ఇది ఖచ్చితంగా భారీ విజయమే” అనే సందేశాలతో సామాజిక మాధ్యమాలు పోస్టులు నిండిపోయాయి. మరాఠీ చిత్రసీమకు ఇది కొత్త శకం తీసుకువస్తుందని చాలా మంది అభిప్రాయపడ్డారు. అయితే.. ఈ చిత్రానికి రితేశ్ దేశ్ముఖ్ దర్శకత్వం వహించడం విశేషం. కథలో కనిపించే పాత్రల జాబితా సైతం ఎంతో ఆసక్తికరంగా ఉంది. సంజయ్ దత్, అభిషేక్ బచ్చన్, మహేష్ మంజ్రేకర్, ఫర్దీన్ ఖాన్, సచిన్ ఖేడేకర్, భాగ్యశ్రీ పాట్వర్ధన్, జితేంద్ర జోషి, సిద్ధార్థ్ శిండే, విద్యా బాలన్, అమోల్ గుప్తే వంటి ప్రముఖులు కీలక పాత్రల్లో కనిపించబోతున్నారు.
Our King. Our Pride. Our Legacy.#RajaShivaji
Chhatrapati Shivaji Maharaj @mfc @jiostudios pic.twitter.com/b82SzZFC8R
— Riteish Deshmukh (@Riteishd) February 19, 2026
