Caesium-137: తప్పినపోయిన క్యాప్సూల్ దొరికింది.. ఊపిరి పీల్చుకున్న అధికారులు
Caesium-137: అది ఒక చిన్న క్యాప్సుల్.. దాని పరిమాణం 6 మిల్లిమీటర్ల వ్యాసం, 8 మిల్లిమీటర్ల పొడవు మాత్రమే. కానీ, అది ఏకంగా ఆస్ట్రేలియా అధికారుల్నే హడలెత్తించింది. ఇన్నాళ్లూ ఈ క్యాప్సుల్ పశ్చిమ ఆస్ట్రేలియా న్యూమన్ ఉత్తర ప్రాంతంలోని ఒక సైట్లో ఉండేది. ఇటీవల దానన్ని ఆ సైట్ నుంచి పెర్త్కు రవాణా చేస్తుండగా.. మార్గమధ్యంలో పడిపోయింది. కానీ.. ఎక్కడ పడిపోయిందని తెలీదు. ఈ క్యాప్సుల్ పోయిందన్న విషయం తెలుసుకున్న అధికారులు.. వెంటనే గాలింపు చర్యలు చేపట్టారు. సరిగ్గా ఎక్కడ పడిందో తెలీదు కాబట్టి.. దాన్ని ఏ సైట్ నుంచైతే తీసుకెళ్లారో, అక్కడి నుంచి పెర్త్ దాకా గాలించారు. అంటే.. ఓవరాల్గా 1400 కిలోమీటర్ల మేర వెతుకులాట కొనసాగించారు.
Read Also:TSRTC: ప్రయాణికులకు గుడ్ న్యూస్.. రిజర్వేషన్ చేసుకుంటే టిక్కెట్ రేట్లలో డిస్కౌంట్
ఎట్టకేలకు రేడియేషన్ డిటెక్టర్ల ద్వారా ఆ గుళికను గుర్తించినట్లు ఎమర్జెన్సీ సర్వీస్ పేర్కొంది. రోడ్డుకు రెండు మీటర్ల దూరంలో ఆ క్యాపూల్స్ ఉన్నట్లు పసికట్టారు. ఒకవేళ సీసియం క్యాప్సూల్కు ఎక్స్పోజ్ అయితే.. అది గంటలో 10 ఎక్సరేలకు సమానమైన రేడియేషన్ విడుదల చేస్తుందని హెల్త్ ఆఫీసర్ ఆండ్రూ రాబర్ట్సన్ తెలిపారు. ట్రక్కులో తీసుకువెళ్తున్న సమయంలో.. ఆ ట్రక్కు బోట్లు ఊడిపోవడం వల్ల.. క్యాప్సూల్ ఉన్న పరికరం కింద పడినట్లు భావిస్తున్నారు.
Read Also:Four Day Work Week: వారానికి నాలుగురోజుల పని సక్సెస్.. ఉద్యోగులు హ్యాపీ.. పెరిగిన ఉత్పాదకత
ఆ చిన్న క్యాప్సుల్లో అంతటి ప్రమాదకరమైనది ఏముందనేగా మీ సందేహం? ‘సీజియం- 137’ అనే రేడియో ధార్మికత పదార్థం అందులో ఉంది. ఆ క్యాప్సుల్ని తాకినా, కనీసం దాన్ని దగ్గరగా ఉంచుకున్నా.. తీవ్ర అనారోగ్యానికి దారితీస్తుంది. ఒకవేళ దాన్ని తాకితే.. వెంటనే గాయాలు అవుతాయని, క్యాన్సర్ వంటి దీర్ఘకాలిక సమస్యలు కూడా వచ్చే ప్రమాదం ఉందని అధికారులు చెప్తున్నారు. అందుకే.. అలాంటి వస్తువు ఏమైనా కనిపిస్తే, దానికి దూరంగా ఉండాల్సిందిగా వాళ్లు సూచించారు. కాగా.. సీజియం- 137ను మైనింగ్ కార్యకలాపాల్లో వినియోగిస్తారు.