Devara : దేవర సాంగ్ పై నిర్మాత నాగవంశీ సెన్సేషనల్ ట్వీట్.. వైరల్..

Devara : మ్యాన్ ఆఫ్ మాసెస్ ఎన్టీఆర్ నటిస్తున్న లేటెస్ట్ మూవీ “దేవర”..మాస్ డైరెక్టర్ కొరటాల శివ తెరకెక్కిస్తున్న ఈ సినిమాపై ప్రేక్షకులలో భారీగా అంచనాలు వున్నాయి.ఇప్పటికే ఈ సినిమా షూటింగ్ చివరి దశకు చేరుకుంది.బిగ్గెస్ట్ యాక్షన్ మూవీగా ఈ సినిమా తెరకెక్కుతుంది.ఇదిలా ఉంటే మే 20 ఎన్టీఆర్ బర్త్ డే సందర్భంగా దేవర నుంచి అదిరిపోయే సాంగ్ రానుంది.యంగ్ మ్యూజిక్ సెన్సేషన్ అనిరుద్ ఈ సినిమాకు మ్యూజిక్ అందిస్తున్నాడు.అయితే ఎన్టీఆర్ బర్త్ డే కు రిలీజ్ అయ్యే సాంగ్ పై నిర్మాత నాగవంశీ ఎక్స్‌ వేదికగా ఆసక్తికర వ్యాఖ్యలు చేశారు.

రజనీకాంత్‌ ‘జైలర్‌’లో’హుకుం’ సాంగ్ ఎంత పెద్ద హిట్ అయిందో ప్రత్యేకంగా చెప్పాల్సిన పని లేదు.దేవర సినిమా నుంచి రాబోయే సాంగ్ “హుకుం”ని మించి ఉంటుంది అంటూ నాగ వంశి ట్వీట్‌ పెట్టారు. మే 19న దేవర ఫస్ట్‌ సింగిల్‌ రిలీజ్‌ కానుందని తెలియజేస్తూ ఓ పోస్టర్‌ రిలీజ్ చేసిన నాగ వంశి ”మీ అందరి కంటే ముందు నేను పాట విన్నా. నన్ను నమ్మండి. హుకుం పాటను మరిచిపోతారని తెలిపారు. మ్యూజిక్ డైరెక్టర్ అనిరుధ్‌ అందించిన ఈ మాస్‌ సాంగ్ వేరే లెవెల్ లో ఉంటుంది” అని పేర్కొన్నారు. ‘దేవర ముంగిట నువ్వెంత..’ అంటూ ఫైర్‌ ఎమోజీ పెట్టారు. దీన్ని బట్టి ఈ లైన్‌తోనే ఈ సాంగ్ మొదలవుతుందని సమాచారం.