President Droupadi Murmu: హైదరాబాద్‌కు చేరుకున్న రాష్ట్రపతి ద్రౌపది ముర్ము

President Droupadi Murmu: రాష్ట్రపతి ద్రౌపది ముర్ము బేగంపేట ఎయిర్‌పోర్టుకు చేరుకున్నారు. ఎయిర్‌పోర్టులో రాష్ట్రపతి ద్రౌపది ముర్ముకు గవర్నర్ జిష్ణుదేవ్ వర్మ, సీఎం రేవంత్ రెడ్డి, డిప్యూటీ సీఎం భట్టి విక్రమార్కలు స్వాగతం పలికారు. కేంద్ర మంత్రులు కిషన్‌ రెడ్డి, బండి సంజయ్‌ రాష్ట్రపతికి స్వాగతం పలికారు. మంత్రి సీతక్క, సీఎస్‌ శాంతికుమారి, మేయర్ గద్వాల విజయలక్ష్మి పుష్పగుచ్చాలు అందించి స్వాగతం పలికారు. అనంతరం రాష్ట్రపతి అక్కడి నుంచి ప్రత్యేక వాహనంలో రాజ్‌భవన్ బయలుదేరారు.

రాజ్‌భవన్‌లో కాసేపు విశ్రాంతి తీసుకోనున్నారు. అనంతరం ఎన్టీఆర్‌ స్టేడియంలో వైభవంగా జరుగుతున్న కోటి దీపోత్సవానికి రాష్ట్రపతి హాజరుకానున్నారు. రాష్ట్రపతి రాక నేపథ్యంలో పోలీసులు భారీ బందోబస్తు ఏర్పాటు చేశారు. రాష్ట్రపతి ద్రౌపది ముర్ము రాక సందర్భంగా కోటి దీపోత్సవంలో పూరి జగన్నాథుని పూజా కార్యక్రమంతో పాటు యాదగిరి శ్రీ లక్ష్మీనరసింహ స్వామి కల్యాణం జరగబోతోంది. గత ఏడాది ప్రధాని నరేంద్ర మోడీ భక్తి టీవీ కోటి దీపోత్సవానికి హాజరయ్యారు. ఈ సారి భక్తి టీవీ కోటి దీపోత్సవానికి రాష్ట్రపతి ద్రౌపది ముర్ము హాజరవుతున్నారు.