మరోసారి ప్రభాస్ నుంచి పోటీ తప్పట్లేదు షారూఖ్ ఖాన్కు. 2023లో పఠాన్, జవాన్ అంటూ థౌజండ్ క్రోర్ కొల్లగొట్టేసి బాక్సాఫీస్ దగ్గర తనకు ఎదురే లేదని ఫ్రూవ్ చేస్తోన్న టైంలో ప్రభాస్ సలార్తో ఢీ కొట్టడంతో లెక్కలన్నీ మారిపోయాయి. సొంత ఇండస్ట్రీలో అదీ కూడా టాలీవుడ్ హీరోతో పోటీపడలేక చతికిలపడ్డాడు. డంకీతో హ్యాట్రిక్ థౌజండ్ క్రోర్ కొల్లగొడదామనుకున్న ఆశల్నీ కాటేరమ్మ కొడుకు తుడిచిపెట్టేశాడు. డంకీ మీద సలార్ క్లియర్ డామినేషన్ చూపించింది.
Also Read : Jr NTR : ఎన్టీఆర్ను ఢీ కొట్టేదెవరు?
సలార్ ఇచ్చిన షాక్కు కాస్త గ్యాప్ తీసుకున్న కింగ్ ఖాన్ నెమ్మదిగా కోలుకుని కింగ్ ప్రాజెక్ట్ పట్టాలెక్కించాడు. ఈ మూవీతో తన కూతురు సుహానా ఖాన్ను సిల్వర్ స్క్రీన్కు పరిచయం చేయబోతున్నాడు. ఎంతో ప్రెస్టిజియస్గా ప్రాజెక్ట్ హ్యాండిల్ చేస్తున్నాడు. తన లక్కీ ఛామ్ దీపికాను పట్టుకొచ్చాడు. సొంత నిర్మాణ సంస్థలో వస్తున్న ఈ ఫిల్మ్ ఈ డిసెంబర్ 24న రిలీజ్ చేసేందుకు ప్లాన్ చేసుకుంటున్నారు. షారూఖ్ వస్తున్నాడంటే వెనకా ముందు రావడానికి మరొకరు హీరో సాహసించారు.. కానీ ప్రభాస్ బాద్ షా కన్నా ముందే వస్తున్నాడట. రాజా సాబ్ తర్వాత డార్లింగ్ ఫ్యాన్స్ ఈగర్లీ వెయిట్ చేస్తోన్న ఫిల్మ్ ఫౌజీ. ఈ మూవీ ఎప్పుడెప్పుడు వస్తుందా అని ఎదురు చూస్తుంటే.. అంతకంతకు వెనక్కు వెళుతోంది. ఆగస్ట్ అన్నారు.. కుదరదు అంటున్నారు.. దసరా అన్నారు.. అదీ కూడా సాధ్యమయ్యేలా లేదట. షూటింగ్ 60 పర్సెంట్ కంప్లీట్ కావడం.. ప్రభాస్ విదేశీ ట్రిప్స్లో బిజీగా ఉండటంతో రిలీజ్ దసరా నుండి డిసెంబర్కు వెళ్లిపోయిందట. ఈ మధ్యకాలంలో ఇయర్ ఎండింగ్కు బాగా క్రేజ్ ఏర్పడిన నేపథ్యంలో డిసెంబర్ 4న ఫౌజీని రిలీజ్ చేద్దామనుకుంటున్నారని టాలీవుడ్ సర్కిల్స్లో వినిపిస్తోన్న టాక్. ఫౌజీ, కింగ్ మధ్య భారీ గ్యాప్ ఉన్నా.. ధురంధర్లా స్లో పాయిజన్లా ఫౌజీ బాలీవుడ్లో ఎక్కితే.. బాద్ షా కింగ్ కలెక్షన్స్పై ఎఫెక్ట్ పడినట్లే.
