Viral Video: వీళ్లు నిజంగా సూపర్బ్ పోలీసులే.. స్కూటీపై వెంబడించి దొంగలను పట్టుకున్నారు

Police Caught Thieves On Scooty: పోలీసులు, దొంగల ఛేజింగ్ ఎప్పుడూ ఇంట్రెస్టింగ్ గానే ఉంటుంది. అయితే వీటిని తరచూ మనం టీవీల్లో, సినిమాల్లో చూస్తూ ఉంటాం. పారిపోయే దొంగ హీరో అయితే దొరకడు, అదే పట్టుకునే పోలీస్ హీరో అయితే దొంగ ఇట్టే దొరికిపోతాడు. ఇదంతా కామన్ గా మనం చూస్తూనే ఉంటాం. అయితే ఈ పట్టుకునే క్రమంలో పోలీసులు, దొంగల మధ్య జరిగే ఫైటింగ్, స్టంట్ లు చాలా ఇంట్రస్టింగ్ గా ఉంటాయి. అయితే నిజ జీవితంలో ఇలాంటి ఘటనలు జరగడం చాలా అరుదే. దొంగతనం చేసి దొంగలు పారిపోయాక ఎప్పటికో కానీ మన పోలీసులు పట్టుకోరు. అయితే ప్రస్తుతం వైరల్ అవుతున్న వీడియోలో మాత్రం పోలీసులు దొంగను పదంటే పదే నిమిషాలలో పట్టుకున్నారు. ఇక్కడ ఇంకో ఆశ్చర్యకరమైన విషయం ఏంటంటే దొంగలు ఖరీదైన బైక్ మీద వెళుతుంటే పోలీసులు వారిని స్కూటీపై వెంబడించి పట్టుకోవడం. నమ్మడానికి కొద్దిగా కష్టంగా ఉన్నా ఇది నిజంగానే జరిగింది. దీనికి సంబంధించిన వీడియో కూడా సోషల్ మీడియాలో వైరల్ అవుతుంది.

Also Read: RBI: వచ్చే నెలలో వాటి ధరలు తగ్గుతాయ్: ఆర్బీఐ గవర్నర్

వివరాల్లోకి వెళ్తే.. వియాత్నంలో ఈ ఘటన చోటు చేసుకుంది. ఇద్దరు దొంగలు ఏదో దొంగతనం చేస్తారు. దాంతో వారిని పోలీసులు వెంబడిస్తారు. ఈ క్రమంలో వారు పోలీసుల నుంచి తప్పించుకునేందుకు ఒక ఖరీదైన బైకి ఎక్కి వేగంగా వెళుతూ ఉంటారు. ఎంత స్పీడ్ తో వెళుతుంటారంటే కన్ను మూసి తెరిచే లోపే వారు కనిపించకుండా పోతారు. అయితే పోలీసులు మాత్రం తగ్గేదే లే అనుకున్నారు. ఎట్లాగైనా వారిని పట్టుకోవాలని అనుకున్నారు. అయితే వారికి పక్కనే ఓ స్కూటీ అందుబాటులో ఉండటంతో దానితో వారిని వెంబడిస్తారు. దొంగలది ఖరీదైన బైక్, పోలీసులది స్కూటీ ఇంకేముంది దొంగలు దొరికినట్లే అనుకున్నారు అందరూ. అయితే అందరి అంచనాలను తల కిందులు చేస్తూ ఆ దొంగలను పట్టేసుకున్నారు పోలీసులు. వేగంగా వెళ్లిన దొంగలు కిందపడిపోతారు. పోలీసులు వెంటనే వారిని పట్టుకుంటారు. దీనికి సంబంధించిన వీడియో పోలీసుల వాహనం ముందు ఉన్న కెమెరాలో రికార్డు అయ్యింది. దొంగలను పట్టుకున్న పోలీసులు వారికి బేడీలు వేసి తీసుకువెళ్లారు. అయితే ఇప్పటికే ఈ వీడియోలను మిలియన్ల మంది వీక్షించారు. చూసిన ప్రతి ఒక్కరు వీరు నిజంగా సూపర్బ్ పోలీసులు అంటూ కితాబిస్తున్నారు. ఇలాంటి పోలీసులు ఉంటే దొంగలు తప్పించుకోలేరని మరికొందరు కామెంట్ చేస్తున్నారు.

Vietnamese Police Chasing Two Thieves pic.twitter.com/A1BtsycN8J

— Pepe Meme (@pepe_fgm) August 23, 2023