High Inflation : ఆ దేశంలో 211 శాతానికి పెరిగిన ద్రవ్యోల్బణం..ఉక్కిరిబిక్కిరి అవుతున్న జనాలు

High Inflation : ద్రవ్యోల్బణం సమస్య ఏ దేశానికైనా చాలా సున్నితమైనది. అందులోని చిన్నపాటి అవాంతరం కూడా ప్రజల నెలవారి బడ్జెట్‌ను పాడుచేస్తుంది. అయితే ఒక దేశంలో ద్రవ్యోల్బణం 200 శాతానికి పైగా పెరిగింది. దీంతో అక్కడి ప్రజల పరిస్థితి ఎలా ఉందో ఊహించుకోండి. లాటిన్ అమెరికా దేశమైన అర్జెంటీనా ప్రజలు ఇలాంటి దారుణమైన సమస్యను ఎదుర్కొంటున్నారు. అక్కడ ద్రవ్యోల్బణం దాదాపు 211 శాతం పెరిగింది. చిన్నా పెద్దా ప్రతి వస్తువు ధర విపరీతంగా పెరిగిపోయి ప్రజల జేబులు ఖాళీ అవుతున్నాయి.

అర్జెంటీనా కరెన్సీ పెసో విలువ తగ్గించబడింది. అధ్యక్షుడు జేవియర్ మిల్లీ కొత్త ప్రభుత్వం పెసో విలువను సగానికి తగ్గించింది. దీని కారణంగా ద్రవ్యోల్బణం వేగంగా పెరిగి 2023లో 211 శాతానికి చేరుకుంది. ప్రభుత్వ గణాంక సంస్థ INDEC ప్రకారం.. దేశంలో ద్రవ్యోల్బణం మూడు దశాబ్దాల గరిష్ట స్థాయికి చేరుకుంది.

Read Also:Realme 12 Pro: రియల్‌మీ నుంచి మరో రెండు స్మార్ట్ ఫోన్స్.. ఫీచర్స్ అదుర్స్..

133 శాతం పెరిగిన వడ్డీ రేట్లు
దేశంలో పరిస్థితి చాలా దారుణంగా ఉంది. వార్షిక డేటా ఆధారంగా, దేశంలో ద్రవ్యోల్బణం పొరుగు దేశం వెనిజులా పరిస్థితికి చేరుకుంది. దక్షిణ అమెరికాలో అత్యధిక ద్రవ్యోల్బణం కలిగిన దేశంగా అర్జెంటీనా అవతరించింది. దేశంలో వడ్డీ రేట్లు కూడా దాదాపు 133 శాతం పెరిగాయి. జేవియర్ మిల్లీ ప్రభుత్వం చేస్తున్న ప్రయత్నాలు కూడా ప్రజలకు ఎలాంటి ఉపశమనం కలిగించేలా కనిపించడం లేదు. 2022లో దేశంలో ద్రవ్యోల్బణం 95 శాతంగా ఉంది. ఇది కేవలం ఒక్క ఏడాదిలోనే రెండింతలు పెరిగింది. నెలవారీ ద్రవ్యోల్బణం డిసెంబర్ 2023లో 25.5 శాతానికి చేరుకోగా, నవంబర్‌లో అది 12.8 శాతానికి చేరుకుంది. 30 శాతానికి చేరుకుంటుందని ప్రభుత్వం భయపడింది.

గత వారంలో IMF అర్జెంటీనాకు 4.7 బిలియన్ డాలర్ల సాయం అందించాలని నిర్ణయించింది. దేశంలో ఆహార పదార్థాలు కూడా చాలా ఖరీదైనవిగా మారాయి. డిసెంబర్‌లో అర్జెంటీనా కొనుగోలు శక్తి దాదాపు 10 శాతం క్షీణించింది. అలాగే దేశంలో వస్తువుల విక్రయాలు 13.7 శాతం తగ్గాయి. ఫిబ్రవరి నెలాఖరు వరకు ఈ పరిస్థితి మెరుగుపడే అవకాశాలు కనిపించడం లేదు.

Read Also:Viral Video: ఫ్లైట్ ఆసల్యమైందని సిబ్బంది కొట్టిన ప్రయాణికుడు..