Pawan Kalyan: తెలుగు సినీ పరిశ్రమలో ఏ హీరో.. ఏ నటుడు, ఏ దర్శకుడు, ఏ డ్యాన్సర్.. ఇలా ఏ సందర్భంలో మాట్లాడినా.. టాలీవుడ్ మెగాస్టార్ చిరంజీవి గురించే మాట్లాడుతుంటారు.. ఆయన్ను సినిమాలు చూస్తూ పెరిగామని.. ఆయనను ఆదర్శంగా తీసుకొనే సినీ ఇండస్ట్రీలోకి వచ్చామంటూ చెబుతుంటారు.. ఇక, మెగా హీరోలు మాత్రం.. చిరంజీవి మాట నోటి నుంచి రాకుండా.. ఎక్కడా మాట్లాడరు.. ముఖ్యంగా మెగా బ్రదర్స్ మధ్య ఉన్న బాండింగ్ గురించి కూడా ప్రత్యేకంగా చెబుతారు.. అన్నయ్య గురించి ఎవరైనా తప్పుగా మాట్లాడితే తమ్ముడు సీరియస్గా వార్నింగ్ ఇస్తాడు.. తమ్ముడు గురించి ఎవరైనా నోరు పారేసుకుంటూ.. అన్నయ్య సుతిమెత్తగా మందలిస్తుంటాడు.. ఇక, ఆగస్టు 22వ తేదీన మెగాస్టార్ చిరంజీవి బర్త్డే సందర్భంగా సోషల్ మీడియాలో ఓ ఎమోషనల్ పోస్ట్ పెట్టారు పవర్ స్టార్, జనసేన అధినేత పవన్ కల్యాణ్.. అన్నయ్యకు జన్మదిన శుభాకాంక్షలు.. అన్నయ్య చిరంజీవి గారికి ప్రేమపూర్వక జన్మదిన శుభాకాంక్షలు తెలిపారు పవన్.
Read Also: Renu Desai: ఆయనతో పవన్ మాజీ భార్య.. ఫ్యాన్ మూమెంట్ అంటూ పోస్ట్
సోషల్ మీడియాలో పవన్ కల్యాణ్ పెట్టిన పోస్ట్ విషయానికి వస్తే.. “అన్నయ్య చిరంజీవి గారికి ప్రేమపూర్వక జన్మదిన శుభాకాంక్షలు.. మీ తమ్ముడుగా పుట్టి మిమ్మల్ని అన్నయ్యా అని పిలిచే అదృష్టాన్ని కలిగించిన ఆ భగవంతునికి ముందుగా కృతజ్ఞతలు. ఒక సన్నని వాగు అలా అలా ప్రవహిస్తూ మహా నదిగా మారినట్లు మీ పయనం నాకు గోచరిస్తుంటుంది. మీరు ఎదిగి మేము ఎదగడానికి ఒక మార్గం చూపడమే కాక లక్షలాది మందికి స్ఫూర్తిగా నిలిచిన మీ సంకల్పం, పట్టుదల, శ్రమ, నీతినిజాయతీ, సేవా భావం నావంటి ఎందరికో ఆదర్శం. కోట్లాదిమంది అభిమానాన్ని మూటగట్టుకున్నా కించిత్ గర్వం మీలో కనిపించకపోవడానికి మిమ్మల్ని మీరు మలుచుకున్న తీరే కారణం. చెదరని వర్చస్సు, వన్నె తగ్గని మీ అభినయ కౌసల్యంతో సినీ రంగాన అప్రతిహతంగా మీరు సాధిస్తున్న విజయాలు అజరామరమైనవి. ఆనందకరం, ఆరోగ్యకరమైన సంపూర్ణ ఆయుష్షుతో, మీరు మరిన్ని విజయాలు చవిచూడాలని మనస్ఫూర్తిగా కోరుకుంటున్నాను. Happy Birthday Annayya ..!” అంటూ రాసుకొచ్చారు పవన్ కల్యాణ్.
అన్నయ్యకు జన్మదిన శుభాకాంక్షలు – JanaSena Chief Shri @PawanKalyan@KChiruTweets#HBDMegastarChiranjeevi pic.twitter.com/ERu1BHiifr
— JanaSena Party (@JanaSenaParty) August 21, 2023