Green India Challenge: గ్రీన్ ఇండియా ఛాలెంజ్‌లో పాన్ ఇండియా నటుడు

Green India Challenge: హరిత తెలంగాణ దిశగా ఎంపీ సంతోశ్​ కుమార్ చేపట్టిన గ్రీన్ ఇండియా ఛాలెంజ్​కు మంచి ఆదరణ లభిస్తోంది. ఇప్పటికే ఈ కార్యక్రమంలో స్టార్​ హీరోలతో పాటు రాజకీయ నాయకులు పాల్గొనగా తాజాగా పాన్‌ ఇండియా నటుడు సముద్ర ఖని పాలు పంచుకున్నారు. గ్రీన్ ఇండియా ఛాలెంజ్‌లో భాగంగా దర్శకుడు ఎం.శశికుమార్ ఇచ్చిన ఛాలెంజ్‌ను స్వీకరించిన పాన్ ఇండియా నటుడు సముద్రఖని ఈరోజు హైటెక్ సిటీలోని శిల్పారామంలో రావి మొక్కను నాటారు.

Hyderabad Crime: బైక్ నంబర్‌ ప్లేట్‌కు ఫేస్ మాస్క్.. కానీ మూల్యం చెల్లించక తప్పలేదు..

ఈ సందర్భంగా నటుడు సముద్రఖని మాట్లాడుతూ.. గ్రీన్ ఇండియా ఛాలెంజ్‌లో పాల్గొనే అవకాశం రావడం చాలా ఆనందంగా ఉందన్నారు. ఇంత మంచి కార్యక్రమం చేపట్టిన రాజ్యసభ సభ్యులు జోగినపల్లి సంతోష్ కుమార్ గారికి ధన్యవాదాలు తెలిపారు. ప్రకృతి పచ్చగా ఉంటేనే ప్రజలు సుభిక్షంగా ఉంటారని.. గ్రీన్ ఇండియా ఛాలెంజ్‌ను గొప్ప సామాజిక ఉద్యమంగానే కాకుండా ప్రతి ఒక్కరి బాధ్యతగానూ తీర్చిదిద్దిన ఘనత జోగినపల్లి సంతోష్ కుమార్‌కు దక్కిందన్నారు.నిర్వాహకుల నిరంతర కృషి ఎంతో ప్రశంసనీయమన్నారు. ఇలాంటి మంచి కార్యక్రమాన్ని తన ఇంటి నుంచే మొదలు పెడుతున్నానని పలువురికి ఆయన ఛాలెంజ్ విసిరారు. ఈ బృహత్తర ఉద్యమాన్ని ముందుకు తీసుకుపోవడానికి తన కుమారుడు హరివిఘ్నేశ్వరన్, కూతురు శివానీ, ప్రముఖ దర్శకులు హెచ్.వినోత్‌లకు సినీ నటుడు సముద్రఖని గ్రీన్ ఇండియా ఛాలెంజ్‌ను విసిరాడు.