OTT Crisis : నెట్‌ఫ్లిక్స్.. అమెజాన్ న్యూరూల్స్.. స్క్రిప్ట్ స్టేజ్‌లోనే ఆగిపోతున్న భారీ చిత్రాలు..

ప్రస్తుతం టాలీవుడ్ లో సినిమాల పరిస్థితి ఆశించినంతగా లేదు. గతంలో సినిమా షూటింగ్ సగం పూర్తయ్యాక లేదా విడుదల దగ్గర పడ్డాక ఓటిటి డీల్స్ కుదుర్చుకునేవారు. కానీ ఇప్పుడు పరిస్థితి మారింది. స్క్రిప్ట్ దశలోనే బడ్జెట్ అంచనాలు పెరిగిపోవడం, దానికి తగ్గట్టుగా ఓటిటి బిజినెస్ క్లోజ్ కాకపోవడంతో నిర్మాతలు తమ ప్రాజెక్ట్‌లను హోల్డ్‌లో పెట్టేస్తున్నారు. కేవలం థియేట్రికల్ ఆదాయంపైనే ఆధారపడి వందల కోట్లు ఖర్చు చేయడం రిస్క్ అని భావిస్తుండటమే దీనికి ప్రధాన కారణం.

Also Read : Jr NTR : ‘డ్రాగన్’ వేట మొదలైంది.. ఎన్టీఆర్.. ఎయిర్‌పోర్ట్ వీడియో వైరల్!

ప్రముఖ ఓటిటి దిగ్గజం నెట్‌ఫ్లిక్స్  ఈ ఏడాది తన బడ్జెట్‌లో సింహభాగాన్ని వారణాసి వంటి భారీ ప్రాజెక్ట్‌ల కోసం కేటాయించినట్లు సమాచారం. ఒకే ప్రాజెక్ట్ కోసం భారీ మొత్తాన్ని వెచ్చించాల్సి రావడంతో, ఇతర చిన్న మరియు మీడియం రేంజ్ సినిమాల కొనుగోలు విషయంలో నెట్‌ఫ్లిక్స్ ఆచితూచి అడుగులు వేస్తోంది. దీనివల్ల చాలా మంది నిర్మాతలు తమ సినిమాలకు నెట్‌ఫ్లిక్స్ నుంచి ఆశించిన రేటు రాక వెనకడుగు వేస్తున్నారు. మరోవైపు అమెజాన్ ప్రైమ్ వీడియో కూడా తన వ్యూహాన్ని మార్చుకుంది. గతంలోలాగా కనిపించిన ప్రతి సినిమాను కొనేయకుండా, ఇప్పుడు చాలా లిమిటెడ్‌గా సినిమాలను తీసుకుంటోంది. కేవలం గ్యారెంటీ ఉన్న కంటెంట్ లేదా భారీ స్టార్ కాస్ట్ ఉన్న చిత్రాలకే ప్రాధాన్యత ఇస్తోంది. బడ్జెట్ పరిమితుల వల్ల అమెజాన్ కూడా కొత్త ఒప్పందాల విషయంలో కఠినంగా వ్యవహరిస్తుండటంతో, ఓటిటి డీల్ కుదరక ముందే సెట్స్ పైకి వెళ్లడం ప్రమాదకరమని మేకర్స్ భావిస్తున్నారు. ఈ పరిణామాలు సినిమా నిర్మాణ వేగాన్ని తగ్గిస్తున్నాయి. ఇటీవల టాలివుడ్ లో బడా సినిమాలకు ఓటీటీ నుండి ఆశించిన మేర రాకపోవడంతో బడ్జెట్ విషయంలో ముందు వెనుక ఆలోచన చేస్తున్నాయి.