Oppo A6i+ 5G: 7,000mAh బ్యాటరీ, 50MP కెమెరా, మీడియాటెక్ ప్రాసెసర్తో.. ఒప్పో కొత్త 5G ఫోన్లు విడుదల
- Oppo A6i+ 5G, Oppo A6v 5G ఫోన్లు విడుదల
- 7,000mAh బ్యాటరీ, 50MP కెమెరా
- ఫిబ్రవరి 6 నుండి Oppo చైనా ఆన్లైన్ స్టోర్ ద్వారా కొనుగోలు చేయడానికి అందుబాటులో
ఒప్పో చైనాలో రెండు కొత్త 5G ఫోన్లను విడుదల చేసింది. కంపెనీ తన కొత్త ఫోన్లను ఒప్పో A6i+ 5G, ఒప్పో A6v 5G పేరుతో పరిచయం చేసింది. రెండు హ్యాండ్సెట్లు ప్రస్తుతం ఒప్పో చైనా ఆన్లైన్ స్టోర్ ద్వారా ప్రీ-ఆర్డర్ కోసం అందుబాటులో ఉన్నాయి. ఒప్పో A6i+ 5G రెండు కలర్ ఆప్షన్లలో, మూడు స్టోరేజ్ ఆప్షన్లలో వస్తుంది. అయితే ఒప్పో A6v 5G మూడు కలర్లలో, ఒకే RAM స్టోరేజ్ ఆప్షన్లో వస్తుంది. Oppo A6i+ 5G 45W వైర్డు ఫాస్ట్ ఛార్జింగ్కు మద్దతుతో 7,000mAh బ్యాటరీని, Oppo A6v 5G 6,500mAh బ్యాటరీని కలిగి ఉంది. రెండు కొత్త హ్యాండ్సెట్లు 50-మెగాపిక్సెల్ ప్రైమరీ రియర్ కెమెరాను కలిగి ఉన్నాయి.
Also Read:ICC Men’s T20 World Cup 2026 Winner: టీ20 ప్రపంచ కప్ 2026 విజేత ఆ జట్టే.. AI ఏం చెబుతుందంటే!
Oppo A6i+ 5G, Oppo A6v 5G ధర
Oppo A6i+ 5G 8GB+256GB వేరియంట్ ధర CNY 1,499 (సుమారు రూ.20,000).
Oppo A6i+ 5G 12GB RAM, 256GB స్టోరేజ్ వేరియంట్ ధర CNY 1,599 (సుమారు రూ.21,000).
Oppo A6i+ 5G 12GB+512GB RAM, స్టోరేజ్ వేరియంట్ ధర CNY 1,799 (సుమారు రూ.24,000).
Oppo A6v 5G 8GB+256GB వేరియంట్ ధర CNY 1,199 (సుమారు రూ.16,000).
రెండు హ్యాండ్ సెట్స్ ఫిబ్రవరి 6 నుండి Oppo చైనా ఆన్లైన్ స్టోర్ ద్వారా కొనుగోలు చేయడానికి అందుబాటులో ఉంటాయి.
Oppo A6i+ 5G, Oppo A6v 5G స్పెసిఫికేషన్లు
రెండు Oppo హ్యాండ్ సెట్స్ 6.75-అంగుళాల HD+ LCD స్క్రీన్లను కలిగి ఉన్నాయి. అవి 120Hz వరకు రిఫ్రెష్ రేటు, 256 ppi పిక్సెల్ సాంద్రత, 1,125 nits బ్రైట్ నెస్ తో వస్తున్నాయి. రెండు హ్యాండ్ సెట్స్ 240Hz వరకు టచ్ శాంప్లింగ్ రేటును కూడా అందిస్తాయి. రెండు ఫోన్లు MediaTek Dimensity 6300 చిప్సెట్ ను కలిగి ఉన్నాయి.
ఫోటోగ్రఫీ కోసం, రెండు Oppo A6 సిరీస్ హ్యాండ్ సెట్స్ డ్యూయల్ రియర్ కెమెరాలను కలిగి ఉన్నాయి. వీటిలో 50-మెగాపిక్సెల్ (f/1.8) ప్రైమరీ కెమెరా, 2-మెగాపిక్సెల్ (f/2.4) మోనోక్రోమ్ కెమెరా ఉన్నాయి. Oppo A6i+ 5G 8MP సెల్ఫీ కెమెరాను కలిగి ఉంది. అయితే Oppo A6v 5G 5MP సెల్ఫీ కెమెరాను కలిగి ఉంది. Oppo A6i+ 5G 7,000mAh బ్యాటరీని కలిగి ఉంది. అయితే Oppo A6v 5G 6,500mAh బ్యాటరీని కలిగి ఉంది. రెండు హ్యాండ్సెట్లు 45W SuperVOOC వైర్డ్ ఫాస్ట్ ఛార్జింగ్కు మద్దతు ఇస్తాయి.