OLA Electric Bike: కిల్లింగ్ లుక్స్‭తో కొత్త ఈవీ బైక్‭ను లాంచ్ చేసేందుకు సిద్ధమైన ఓలా

OLA Electric Bike: ఇండియన్ ఎలక్ట్రిక్ టూ-వీలర్ మార్కెట్‌లో తనదైన ముద్ర వేసిన ఓలా ఎలక్ట్రిక్.. ఎలక్ట్రిక్ స్కూటర్ల విభాగంలో టాప్ పొజిషన్‌లో కొనసాగుతోంది. తమ వినూత్నమైన మోడళ్లతో వినియోగదారులను ఆకట్టుకుంటూ భారీగా అమ్మకాలు సాధిస్తున్న ఈ సంస్థ త్వరలోనే ఎలక్ట్రిక్ బైక్‌ను విడుదల చేయనున్నట్లు ప్రకటించింది. ఈ ప్రకటన విన్నప్పటి నుంచీ ఆటోమొబైల్ ప్రియులు, ఓలా ఫ్యాన్స్ అందరూ ఈ బైక్ ఎప్పుడు విడుదల అవుతుంది? దీని డిజైన్, ఫీచర్లు ఎలా ఉండబోతున్నాయి? అంటూ సోషల్ మీడియాలో చర్చిస్తున్నారు. ఇప్పుడు ఈ ఆసక్తిని మరింత పెంచుతూ ఓలా ఎలక్ట్రిక్ సంస్థ ఈ బైక్ ఫస్ట్ లుక్ ఫోటోలను విడుదల చేసింది.

Also Read: BRS MLAs Defection Case: ఫిరాయింపు ఎమ్మెల్యేలపై చర్యలు ఇంకెప్పుడు.. తెలంగాణ స్పీకర్ పై సుప్రీంకోర్టు ఆగ్రహం

తాజాగా ఓలా ఎలక్ట్రిక్ సంస్థ సీఈఓ భవీష్ అగర్వాల్ తన అధికారిక ఎక్స్ ఖాతాలో ఈ బైక్ ఫోటోలను పంచుకున్నారు. ఫోటోల్లో పసుపు (Yellow) రంగులో ఆకర్షణీయమైన డిజైన్‌తో ఈ బైక్ కనిపిస్తోంది. హ్యాండిల్ బార్స్ కింద విల్లు ఆకారం (arrow shaped) ప్యానెల్స్ ఉండటం విశేషం. ఇది బైక్‌కు డైనమిక్ లుక్‌ను ఇస్తోంది. అయితే బైక్‌పై ఓలా ఎలక్ట్రిక్ లోగో లేకపోవడం గమనార్హం. దీని వల్ల బైక్ డిజైన్ ఇంకా పూర్తి కాలేదని అర్థం అవుతోంది. ఈ పోస్ట్ పై నెటిజన్లు భారీగా స్పందిస్తున్నారు.

Going to ride this soon! Arrowhead @OlaElectric pic.twitter.com/mXPmXo4GWD

— Bhavish Aggarwal (@bhash) January 28, 2025

ఓలా ఎలక్ట్రిక్ సంస్థ ప్రధాన కార్యాలయం బెంగళూరులో ఉండగా తయారీ కేంద్రం తమిళనాడులోని హూసూర్‌లో ఉన్న విష్యం తెలిసిందే. ఇక్కడే ఇప్పటివరకు ఓలా ఎలక్ట్రిక్ స్కూటర్లు ఉత్పత్తి అవుతుండాగా ఇప్పుడు అదే ఫ్యాక్టరీలోనే ఎలక్ట్రిక్ బైక్ ప్రొడక్షన్ మొదలు పెట్టేందుకు ఓలా రంగం సిద్ధం చేసింది. స్కూటర్ విభాగంలో మంచి జోరు చూపించిన ఈ సంస్థ, ఇప్పుడు ఎలక్ట్రిక్ బైక్ మార్కెట్లోనూ తనదైన ప్రభావాన్ని చూపించాలని లక్ష్యంగా పెట్టుకుంది. బైక్ ఫోటోలు రిలీజ్ చేసినప్పటికీ, అధికారిక లాంచ్ డేట్‌ను మాత్రం ఓలా ఇంకా ప్రకటించలేదు. అయితే, లేటెస్ట్ అప్‌డేట్ ప్రకారం ఈ బైక్ 2025 రెండో భాగంలో విడుదలయ్యే అవకాశం ఉంది.