గత కొంత కాలం నుంచి తెలుగు సినిమా లు హిందీలో రీమేక్ అవుతుండడం చూస్తూనే వున్నాం.సౌత్లో భారీ విజయాలను అందుకున్న సినిమా లను హిందీలో రీమేక్ చేస్తున్నారు. అయితే చాలా రోజుల తర్వాత బాలీవుడ్లో మంచి విజయాన్ని అందుకున్న ఓ చిత్రం ఇప్పుడు తెలుగులో రీమేక్ కాబోతుంది ఆ చిత్రమే అక్షయ్ కుమార్ నటించిన ‘ఓ మై గాడ్ 2’ మూవీ.ఓ మై గాడ్ మూవీ కు సీక్వెల్గా తెరకెక్కిన ఈ సినిమా ఆగస్టు 11వ తేదీన విడుదలైంది. సామాజిక అంశాన్ని అద్భుతంగా చూపించిన ఈ సినిమా ప్రేక్షకులను ఎంతగానో ఆకట్టుకుంది. చిన్న పిల్లల్లో లైంగిక విజ్ఞానం అనే సున్నిత కథాంశంతో వచ్చిన ఈ కు అమిత్ రాయ్ దర్శకత్వం వహించారు. విమర్శకుల ప్రశంసలు అందుకున్న ఈ చిత్రం బాక్సాఫీస్ వద్ద ఏకంగా రూ. 150 కోట్లు కలెక్షన్స్ రాబట్టింది. ఈ సినిమాలో బాలీవుడ్ హీరో అక్షయ్ కుమార్ శివుడి పాత్రలో నటించి మెప్పించారు.
ఇదిలా ఉంటే తాజా సమాచారం ప్రకారం ఈ సినిమాను ను తెలుగులో రీమేక్ చేయనున్నారని తెలుస్తోంది. తాజాగా ఓటీటీలో స్ట్రీమ్ అవుతున్న ఓమై గాడ్2 చిత్రాన్ని ఇప్పుడు తెలుగులో రీమేక్ చేయడానికి సిద్ధమవుఉన్నట్లు సమాచారం. బడా నిర్మాణ సంస్థ ఈ రీమేక్ హక్కులను సొంతం చేసుకున్నట్లు వార్తలు వస్తున్నాయి.. దీంతో ఇప్పుడు ఈ రీమేక్ లో అక్షయ్ కుమార్ పాత్రలో ఎవరు నటించనున్నారు అనే విషయం పై ఆసక్తి నెలకొంది.సినిమాకు కీలకమైన ఈ పాత్రను తెలుగులో ఎవరు పోషిస్తే బాగుంటుందని ఆలోచిస్తున్నట్లు సమాచారం. అయితే ఓమై గాడ్ తొలి పార్ట్ను తెలుగులో ‘గోపాల గోపాల’ పేరుతో తెరకెక్కించిన సంగతి తెలిసిందే. కిషోర్ కుమార్ పార్థసాని తెరకెక్కించిన ఈ సినిమా లో పవన్ కళ్యాణ్ దేవుడిగా నటించగా వెంకటేష్ నాస్తికుడు గా నటించారు. ఈ సినిమా తెలుగులో మంచి విజయాన్ని సొంతం చేసుకుంది. దీంతో సీక్వెల్ చిత్రాన్ని కూడా తెలుగులో రీమేక్ చేసే పనిలో పడినట్లు తెలుస్తోంది. అయితే శివుడి పాత్రలో ఓ టాప్ హీరో నటించనున్నాడని సమాచారం. ఈ సీక్వెల్పై త్వరలోనే అధికారిక ప్రకటన వచ్చే అవకాశాలు కూడా ఉన్నాయని తెలుస్తోంది.