Sudheer Babu: గుండెల్ని పిండేలా సుధీర్ బాబు సినిమా “మా నాన్న సూపర్ హీరో” టీజర్..

టాలీవుడ్ నటుడు సుధీర్ బాబు చివరిసారిగా హరోం హర చిత్రంలో కనిపించాడు. ఈ చిత్రం బాక్సాఫీస్ వద్ద ఆశించిన ఫలితాన్ని అందుకోలేదు. తదుపరి లూజర్ ఫేమ్ డైరెక్టర్ అభిలాష్ రెడ్డి కంకర దర్శకత్వంలో తెరకెక్కుతున్న “మా నాన్న సూపర్ హీరో”లో నటిస్తున్నాడు. ఈ చిత్రం ఫస్ట్ లుక్ ను విడుదల చేయగా, ప్రేక్షకుల నుంచి మంచి రెస్పాన్స్ వచ్చింది. అయితే టీజర్ ను నేచురల్ స్టార్ నాని ఈ రోజు (అక్టోబర్ 11)న విడుదల చేశారు. అభిలాష్ రెడ్డి కంకర దర్శకత్వంలో మా నాన్న సూపర్ హీరో అనే పూర్తిస్థాయి ఫ్యామిలీ ఎంటర్‌టైనర్‌తో వస్తోంది. భారీ అంచనాలున్న ఈ సినిమా దసరాకి విడుదల కానుంది.

READ MORE: Sitaram Yechury: సీతారాం ఏచూరి భౌతికకాయం ఎయిమ్స్‌కు దానం

తన తండ్రితో సుధీర్ బాబుకు ఉన్న లోతైన భావోద్వేగ అనుబంధాన్ని టీజర్ వివరిస్తుంది. సుధీర్ బాబు సాయాజీ షిండే, సాయి చంద్ ఇద్దరినీ తన తండ్రిగా సూచిస్తాడు. సాయాజీ షిండే అతన్ని ద్వేషిస్తున్నట్లు చూడొచ్చు. కానీ.. సాయి చంద్ మాత్రం సుధీర్ బాబుతో మంచి అనుబంధాన్ని ఏర్పరుచుకుంటాడు. తన కుమారుడికి క్యాన్సర్ ఉందనే నెపంతో తన తండ్రి ఒకరి దగ్గర డబ్బు తీసుకోగా.. సుధీర్ బాబు సానుకూలంగా స్పందించడంతో టీజర్ ఆకట్టుకునేలా ముగిసింది. తండ్రిని ఎక్కువగా ప్రేమించే కొడుకు పాత్రలో సుధీర్ బాబు కూల్ గా కనిపించాడు. సాయాజీ షిండే, సాయి చంద్ విభిన్న పాత్రలలో తమ ఉనికిని చాటుకున్నారు. టీజర్‌లో రాజు సుందరం పాత్రను కూడా పరిచయం చేశారు.