Thaman: ‘కెమిస్ట్రీ, ఫిజిక్స్ అవ్వకుండా చూసుకోండి’.. కొత్త వివాదానికి తెరలేపిన తమన్
టాలీవుడ్ స్టార్ మ్యూజిక్ డైరెక్టర్ ఎస్.ఎస్. తమన్ ఎప్పుడూ సరదాగా ఉంటూనే, అప్పుడప్పుడు సెన్సేషనల్ కామెంట్స్ చేస్తుంటారు. తాజాగా హర్ష్ రోషన్, శ్రీదేవి జంటగా నటించిన ‘బ్యాండ్ మేళం’ టీజర్ లాంచ్ ఈవెంట్కు ఆయన ముఖ్య అతిథిగా విచ్చేశారు. ఈ క్రమంలో చిత్ర యూనిట్ను విష్ చేస్తూనే, స్టేజ్ మీద ఆయన చేసిన కొన్ని వ్యాఖ్యలు ఇప్పుడు నెట్టింట వైరల్ అవుతున్నాయి. ముఖ్యంగా సైన్స్ సబ్జెక్టులను వాడుతూ ఆయన వేసిన పంచ్లు సినిమా ఇండస్ట్రీలో కొత్త చర్చకు దారితీశాయి.
Also Read : Band Melam : ‘బ్యాండ్ మేళం’ టీజర్ ఈవెంట్లో శివాజీ కామెంట్స్ వైరల్..!
ఈవెంట్లో హీరో హర్ష్ రోషన్, హీరోయిన్ శ్రీదేవిల గురించి తమన్ మాట్లాడుతూ.. “మీ ఇద్దరి మధ్య కెమిస్ట్రీ, ఫిజిక్స్ అవ్వకుండా చూసుకోండి” అని సరదాగా అంటూనే, తర్వాతి మాటతో అందరినీ ఆశ్చర్యపరిచారు. “ఏమనుకోకండ్రా.. నేను 5th క్లాస్ ఫెయిల్.. నాకు జువాలజీ (Zoology) రాదు” అంటూ నవ్వులు పూయించారు. సాధారణంగా హీరో హీరోయిన్ల మధ్య ‘కెమిస్ట్రీ’ బాగుందని అనడం కామన్, కానీ తమన్ దానికి ఫిజిక్స్, జువాలజీలను జోడించి వెటకారంగా అనడం ఇప్పుడు చర్చనీయాంశమైంది.
దీనిని కొందరు కేవలం ఫన్ కోసమే అన్నారని భావిస్తుంటే, మరికొందరు మాత్రం ఇది కొత్త వివాదానికి (Controversy) దారి తీసేలా ఉందని అభిప్రాయపడుతున్నారు. ముఖ్యంగా ఆయన ‘5th ఫెయిల్’ అని తనను తాను తక్కువ చేసుకుంటూనే, ఎదుటివారికి చురకలు అంటించడం తమన్ మార్క్ స్టైల్ అని ఫ్యాన్స్ అంటున్నారు. టీజర్ లాంచ్ ఈవెంట్లో శివాజీ కూడా పాల్గొనగా, తమన్ చేసిన ఈ వ్యాఖ్యలు ఇప్పుడు ఆ మూవీ ప్రమోషన్లకు కావాల్సినంత బజ్ను తెచ్చిపెట్టాయి. మొత్తానికి తమన్ మాటలు సరదాగా అన్నారా లేక ఇందులో ఏదైనా అంతరార్థం ఉందా అనేది ఇప్పుడు హాట్ టాపిక్.