Mokshagna : నందమూరి మోక్షజ్ఞ టాలీవుడ్ ఎంట్రీ అందని ద్రాక్షలా అభిమానులను ఊరిస్తూనే ఉంది. ఇంతలో ప్రశాంత్ వర్మ మోక్షజ్ఞ ఎంట్రీ సినిమా ప్రకటించారు. ఆ సినిమా ప్రీ-ప్రొడక్షన్ ఎంతవరకు జరిగిందో తెలియదు. ప్రశాంత్ వర్మ, మోక్షజ్ఞ సినిమా ఆగిపోయిందని కూడా వార్తలు వచ్చాయి. కొందరు చెబుతున్న దాని ప్రకారం.. మోక్షజ్ఞ, ప్రశాంత్ వర్మ సినిమా ఆగలేదు.. తాత్కాలికంగా ఆగిపోయిందని చెబుతున్నారు. వాస్తవానికి అన్ని అనుకున్నట్లు జ‌రిగితే నందమూరి వార‌సుడు మోక్షజ్ఞ ఎంట్రీ ఇప్పటికే అయిపోవాల్సి ఉంది. కానీ ఇంత వ‌ర‌కూ ఆ అవకాశం లేకుండా పోయింది. ప్రశాంత్ వర్మ ప్రాజెక్ట్ తో మోక్షజ్ఞ లాంచ్ అవ్వాలి. డిసెంబ‌ర్ లో ముహూర్తం కూడా పెట్టారు. కానీ చివ‌రి నిమిషంలో అది కార్యరూపం దాల్చలేదు. మోక్ష‌జ్జ ఎంట్రీపై ర‌క‌ర‌క‌ర‌కాల క‌థ‌నాలు అంతే ఆస‌క్తిని రేకెత్తించాయి. డెబ్యూ `క‌ల్కి` డైరెక్ట‌ర్ నాగ్ అశ్విన్ చేతుల్లోకి వెళ్లిందని ప్రచారం జరుగుతుంది, మ‌రికొంత మంది బాలయ్య డైరెక్షన్లో `ఆదిత్య 999 మ్యాక్స్` తో తన కొడుకును లాంచ్ చేస్తార‌నే ఊహాగానాలు వినిపిస్తున్నాయి.
Read Also:Bank Of Baroda: బ్యాంక్‌ ఆఫ్‌ బరోడాలో భారీగా ఉద్యోగాలు..
`ఆదిత్య 999` స్టోరీ కూడా బాలయ్య రెడీ చేశారట. ఆ క‌థ‌ని తానే డైరెక్ట్ చేస్తాన‌ని కూడా ప్రకటించారు. మ‌రి అదైనా జరుగుతుందా? అంటే అదీ ఇప్పటి వరకు క్లారిటీ లేదు. బాలయ్య వేర్వేరు సినిమాల‌తో బిజీ అవుతున్నారు త‌ప్ప త‌న‌యుడి ఎంట్రీ విష‌యంలో క్లారిటీ ఇవ్వడం లేదు. అటు నాగ్ అశ్విన్ నుంచి కూడా ఎలాంటి స‌మాచారం ఇంత వరకు బయటకు రాలేదు. ఆయ‌న క‌ల్కి సెకండ్ పార్ట్ ప‌నుల్లో బిజీగా ఉన్నారు. మ‌రో వైపు ప్రశాంత్ వర్మ అన్ని రెడీ చేసుకున్నా? అతడిని ఎందుకో హోల్డ్ లో పెట్టాడు. ఇలా మోక్షజ్ఞ ఎంట్రీపై ఊహాగానాలు మొదలయ్యాయి. మ‌రి కొత్త ఏడాదిలోనైనా లాంచ్ చేస్తారా? అంటే దానిపైనా క్లారిటీ లేదు. దీంతో మోక్షజ్ఞ సినిమాపై అస‌లేం జరుగుతుంది అన్నతి అర్థం కాని పరిస్థితుల్లోకి దారి తీస్తుంది. మోక్షజ్ఞ మాత్రం ఇప్పటికే అమెరికాలో యాక్టింగ్ ట్రైనింగ్ పూర్తి చేసుకుని రెడీగా ఉన్నాడు. ప్రస్తుతం అత‌డి వ‌య‌సు 30 ఏళ్లు. స్టార్ కిడ్స్ అంతా 21 లో నే లాంచ్ అవుతున్నారు. స‌క్సెస్ అయితే 30 ఏళ్లు వ‌చ్చేస‌రికి తొమ్మిదేళ్ల కు సీనియ‌ర్ గా మారిపోతున్నారు. ఆ ర‌కంగా చూసుకుంటే మోక్షజ్ఞ చాలా ఎక్స్ పీరియ‌న్స్ కోల్పోయిన‌ట్లే.