Miss World 2025 : మిస్ వరల్డ్ 2025 హెడ్-టు-హెడ్ ఛాలెంజ్ ఫైనలిస్టుల జాబితా విడుదల

Miss World 2025 : 72వ మిస్ వరల్డ్ పేజెంట్‌లో మరో కీలక దశను తాకింది. తెలంగాణలో నిర్వహించిన తొలి రౌండ్ విజయవంతంగా ముగిసిన అనంతరం, హెడ్-టు-హెడ్ ఛాలెంజ్‌కు ఎంపికైన 20 మంది ఫైనలిస్టుల పేర్లను తాజాగా విడుదల చేశారు. ప్రపంచవ్యాప్తంగా వచ్చిన అందగత్తెలు తమ వ్యక్తిత్వాన్ని, సమాజంపై ప్రభావం చూపే అంశాలపై చర్చించి ఈ రౌండ్‌కు అర్హత సాధించారు.

ఈ సందర్భంగా మొత్తం 107 మంది కాంటెస్టెంట్లు పాల్గొని, మానసిక ఆరోగ్యం, మహిళా సాధికారత, విద్య, పర్యావరణ స్థిరత్వం, సాంస్కృతిక పరిరక్షణ వంటి సామాజిక అంశాలపై ఆత్మవిశ్వాసంగా ప్రసంగించారు. వీరి మధ్య జరిగిన మాటల పోరులో వ్యక్తిత్వం, ఆలోచనలకు స్పష్టత, మరియు సమాజ సేవకు అంకితభావం వంటి విలువల ఆధారంగా టాప్ 20 ఎంపికయ్యారు.

హెడ్-టు-హెడ్ ఫైనలిస్టులు – ఖండాల వారీగా జాబితా:

యూరప్ ప్రాంతం నుండి:

స్పెయిన్ – కోరినా మారాజెక్
వేల్స్ – మిల్లీ-మే ఆడమ్స్
ఫ్రాన్స్ – అగాత్ కోయెట్
జర్మనీ – సిల్వియా డోరె శాంచెజ్
ఐర్లాండ్ – జాస్మిన్ గెర్హార్డ్ట్

అమెరికాస్ & కరేబియన్ ప్రాంతం:

బ్రెజిల్ – జెస్సికా పెడ్రోసో
సురినామ్ – చెనెల్లా రోజండాల్
కేమాన్ దీవులు – జాడా రామూన్
గయానా – జలికా సామ్యూల్స్
ట్రినిడాడ్ & టొబాగో – అన్నా లైజ్ నాంటన్

ఆసియా & ఓషేనియా ప్రాంతం:

శ్రీలంక – అనూడి గునశేఖర
థాయిలాండ్ – ఓపల్ సుచాత చువాంగ్‌స్రి
టర్కీ – ఇదిల్ బిల్గెన్
లెబనాన్ – నాడా కౌస్సా
జపాన్ – కియానా టోమిటా

ఆఫ్రికా ప్రాంతం:

దక్షిణాఫ్రికా – జోలైజ్ జాన్సెన్ వాన్ రెన్స్బర్గ్
నమీబియా – సెల్మా కార్లీసియా కమాన్యా
సోమాలియా – జైనబ్ జామా
ఉగాండా – నటాషా నియోన్యోజి
జాంబియా – ఫెయిత్ బ్వాల్యా

ఈ శుక్రవారం జరగనున్న తుది రౌండ్‌లో, ఈ ఫైనలిస్టులు మళ్లీ తమ సామాజిక దృక్పథాన్ని వివరించే అవకాశం పొందనున్నారు. స్పష్టతతో కూడిన అభిప్రాయాలు, సామాజిక బాధ్యతపై ఉన్న నిబద్ధత, మరియు వ్యక్తిగత అంకితభావం ఆధారంగా విజేత ఎంపిక కాబోతోంది. ఈ పోటీ కేవలం అందానికి మాత్రమే పరిమితమవకుండా, ప్రపంచాన్ని ప్రభావితం చేసే ఆలోచనలకు వేదికగా నిలుస్తోంది. అందుకే ఈ ఏడాది మిస్ వరల్డ్ వేడుకలు ప్రత్యేక ఆకర్షణగా మారాయి.

Viral : నమ్మలేని నిజాన్ని చెప్పిన AI.. ChatGPTతో భర్త మోసం బట్టబయలు