వరుస విమాన ప్రమాదాలు ప్రయాణికులను వణికిస్తున్నాయి. తాజాగా బంగ్లాదేశ్ లో మిలిటరీ శిక్షణా విమానం కుప్పకూలింది. రాజధాని ఢాకాలోని ఉత్తర ప్రాంతంలోని మైల్స్టోన్ స్కూల్ భవనంపై బంగ్లాదేశ్ వైమానిక దళానికి చెందిన శిక్షణ జెట్ F-7 BJI కూలిపోయింది. ఈ ప్రమాదంలో 16 మంది మరణించారు. 60 మందికి తీవ్ర గాయాలయ్యాయి. ప్రమాదం జరిగిన వెంటనే అక్కడికి చేరుకున్న అధికారులు సహాయక చర్యలు ప్రారంభించారు. ఈ ఘోర ప్రమాదం ఆ ప్రాంతంలో భయాందోళనలను రేకెత్తించింది. జెట్ ప్రమాదం కారణంగా పాఠశాల ప్రాంగణం తీవ్రంగా దెబ్బతిన్నట్లు ఇంటర్ సర్వీసెస్ పబ్లిక్ రిలేషన్స్ డైరెక్టరేట్ను ఉటంకిస్తూ బంగ్లాదేశ్ వార్తాపత్రిక డైలీ స్టార్ పేర్కొంది.
Also Read:Malaika Arora : మండుటెండల్లో మలైకా అరోరా మత్తెక్కిస్తోందిగా
బంగ్లాదేశ్ సైన్యం తరపున ఇంటర్-సర్వీసెస్ పబ్లిక్ రిలేషన్స్ (ISPR) సోమవారం మధ్యాహ్నం విమానం కూలిపోయిందని తెలిపింది. బంగ్లాదేశ్ వైమానిక దళానికి చెందిన F-7 BGI శిక్షణ విమానం ఉత్తరాలో కూలిపోయిందని తెలిపింది. గాయపడిన వారిని వెంటనే సమీపంలోని ఆసుపత్రులకు తరలించారు. కానీ మృతుల సంఖ్య ఇంకా ఖచ్చితంగా తెలియలేదు. మృతుల సంఖ్య పెరిగే ఛాన్స్ ఉందంటున్నారు అధికారులు.