MI vs SRH: సెంచరీతో రఫ్ఫాడించిన ‘ర్యాన్‌ రికెల్టన్‌’.. SRH ముందు భారీ టార్గెట్.!

MI vs SRH: ఐపీఎల్ 2026లో భాగంగా ముంబైలోని వాంఖడే స్టేడియంలో జరుగుతున్న మ్యాచ్‌లో ముంబై ఇండియన్స్ భారీ స్కోర్ నమోదు చేసింది. టాస్ గెలిచి ముందుగా బ్యాటింగ్ ఎంచుకున్న ముంబై నిర్ణీత 20 ఓవర్లలో 5 వికెట్లు కోల్పోయి 243 పరుగులు సాధించింది. చివరి 5 ఓవర్లలో ఏకంగా 62 పరుగులు రావడంతో ముంబై భారీ స్కోర్ ను అందుకుంది.

ముంబై బ్యాటింగ్‌లో ర్యాన్‌ రికెల్టన్‌ కేవలం 55 బంతుల్లో 10 ఫోర్లు, 8 సిక్సర్స్ 223 స్ట్రైక్‌రేట్‌తో 123 పరుగులు చేసి నాటౌట్‌గా నిలిచాడు. అతనికి తోడుగా విల్ జాక్స్ 22 బంతుల్లో 46 పరుగులు చేసి మంచి ఆరంభం ఇచ్చాడు. మధ్యలో సూర్య కుమార్ యాదవ్ త్వరగా అవుట్ అయినా, నామన్ ధీర్ 22 పరుగులు చేసి ఇన్నింగ్స్‌ను పరుగులు పెట్టించాడు. ఇక కెప్టెన్ హార్దిక్ పాండ్య 15 బంతుల్లో 31 పరుగులతో ధనాధన్ ఇన్నింగ్స్ ఆడాడు.

సన్‌రైజర్స్ హైదరాబాద్ బౌలర్లలో పెద్దగా ప్రభావం చూపించలేకపోయారు. అయితే ప్రఫుల్ హింగే 4 ఓవర్లలో 54 పరుగులు ఇచ్చి 2 వికెట్లు తీసుకున్నాడు. అలాగే ఇషాన్ మలింగా 4 ఓవర్లలో 29 పరుగులు ఇచ్చి ఒక వికెట్ తీసి కాస్త కట్టుదిట్టంగా బౌలింగ్ చేశాడు. సాకిబ్ హుస్సేన్, నితీష్ కుమార్ రెడ్డి తలో వికెట్ తీసుకున్నా పరుగులు నియంత్రించడంలో విఫలమయ్యారు. కెప్టెన్ ప్యాట్ కమిన్స్ కూడా 4 ఓవర్లలో 39 పరుగులు ఇచ్చి వికెట్ తీయలేకపోయాడు.