MI vs LSG: ప్లేఆప్స్ రేసులో ముందుకు దూసుకెళ్లేది ఎవరో? మొదట బ్యాటింగ్ చేయనున్న ముంబై ఇండియన్స్.

MI vs LSG: నేడు జరగబోయే డబుల్ హెడర్ లో భాగంగా.. తొలి మ్యాచ్ ముంబై ఇండియన్స్ (MI), లక్నో సూపర్ జెయింట్స్ (LSG) మధ్య జరుగుతుంది. ముంబైలోని వాంఖడే స్టేడియంలో ఇరు జట్లు తలపడతాయి. హార్దిక్ పాండ్య నేతృత్వంలోని ముంబై వరుస విజయాలతో దూసుకవెళ్తోంది. ఇప్పటికే MI వరుసగా నాలుగు మ్యాచ్‌లను గెలిచి మరో విజయంపై కన్నేశారు. ప్రస్తుత సీజన్‌లో ఏప్రిల్ 4న లక్నోలోని ఎకానా స్టేడియంలో ఇరుజట్లు తలపడినప్పుడు ముంబై 12 పరుగుల తేడాతో ఓడిపోయింది. ఇప్పుడు దానికి ప్రతీకారం తీర్చుకోవడానిధికి సమయం వచ్చింది. పాయింట్ల పట్టికలో రెండు జట్లు ప్రస్తుతం 10 పాయింట్లతో సమానంగా ఉన్నాయి. కానీ, మెరుగైన నికర రన్ రేట్ ఆధారంగా ముంబై ఐదవ స్థానంలో ఉండగా, LSG ఆరో స్థానంలో ఉంది. రెండూ 9 మ్యాచ్‌ల్లో ఐదు గెలిచి, నాలుగు ఓడిపోయాయి. ఎల్‌ఎస్‌జి తన చివరి మ్యాచ్‌లో ఢిల్లీ క్యాపిటల్స్ చేతిలో ఓటమి పాలైంది. కెప్టెన్ రిషబ్ పంత్ పేలవమైన ఫామ్ లక్నో జట్టుకు ఆందోళన కలిగించే విషయంగా మారింది. ఇక నేటి మ్యాచ్ లో టాస్ గెలిచి బౌలింగ్ ఎంచుకుంది లక్నో సూపర్ జెయింట్స్. దీనితో మొదట బ్యాటింగ్ చేయనుంది ముంబై ఇండియన్స్. ఇక నేటి ఇరుజట్ల ప్లేయింగ్ XI ఆటగాళ్ల వివరాలు ఇలా ఉన్నాయి.

ముంబై ఇండియన్స్ ప్లేయింగ్ XI:
రియన్ రికెల్టన్ (వికెట్ కీపర్), రోహిత్ శర్మ, విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్), నమన్ ధీర్, కార్బిన్ బోష్, దీపక్ చహర్, ట్రెంట్ బోల్ట్, కర్ణ్ శర్మ

ముంబై ఇండియన్స్ ఇంపాక్ట్ ప్లేయర్స్:
జస్ప్రీత్ బుమ్రా, రాజ్ బావా, రీస్ టోప్లీ, రాబిన్ మింజ్, పి.ఎస్.వి.ఎన్. రాజు

లక్నో సూపర్ జెయింట్స్ ప్లేయింగ్ XI:
ఆయిడెన్ మార్క్రమ్, మిచెల్ మార్ష్, నికోలస్ పూరన్, ఋషభ్ పంత్ (కెప్టెన్ మరియు వికెట్ కీపర్), ఆయుష్ బడోని, అబ్దుల్ సమద్, మయాంక్ యాదవ్, రవి బిష్ణోయి, దిగ్వేష్ రాథీ, అవేశ్ ఖాన్, ప్రిన్స్ యాదవ్

లక్నో సూపర్ జెయింట్స్ ఇంపాక్ట్ ప్లేయర్స్:
డేవిడ్ మిల్లర్, యువరాజ్ చౌధరి, షహబాజ్ అహ్మద్, హిమ్మత్ సింగ్, ఆకాష్ సింగ్