Manipur Violence: మణిపూర్ ఎమ్మెల్యే మేనల్లుడు అరెస్ట్.. విచారణలో షాకింగ్ నిజాలు

Manipur Violence: మణిపూర్ రాజధాని ఇంఫాల్‌లో ఆయుధాలు, మందుగుండు సామగ్రితో 45 ఏళ్ల వ్యక్తిని అరెస్టు చేశారు. దీనిపై విచారణ చేయగా.. ఆ వ్యక్తి మణిపూర్ ఎమ్మెల్యే మేనల్లుడు అని తేలింది. పోలీసుల విచారణపై అవగాహన ఉన్న అధికారులు ఆదివారం (అక్టోబర్ 15) ఈ సమాచారం ఇచ్చారు. మణిపూర్‌లో మే నెల నుంచి హింసాత్మక ఘటనలు కొనసాగుతున్నాయి. మధ్యమధ్యలో కొంత శాంతించినా..పెద్ద ఎత్తున నష్టం వార్తలు మాత్రం వచ్చాయి. అనుమానిత ఉగ్రవాది జూన్ నుండి మయన్మార్‌లో ఉన్న ఉగ్రవాద సమూహంతో సంప్రదింపులు జరుపుతున్నట్లు అధికారులు తెలిపారు. ఈ అనుమానిత ఉగ్రవాది కుల హింసలో ఎంతమేరకు ప్రమేయం ఉందో మణిపూర్ పోలీసులు ఇప్పుడు దర్యాప్తు చేస్తున్నారని ఆయన చెప్పారు. మణిపూర్‌లో మెయిటై, కుకీ వర్గాల మధ్య హింస మే నెలలోనే ప్రారంభమైంది. ఇంఫాల్ లోయలో విపరీతమైన హింస, ఘర్షణ సంఘటనలు వెలుగులోకి వచ్చాయి. శాంతిభద్రతలను నెలకొల్పేందుకు పోలీసులతో పాటు సైన్యం సహాయాన్ని కూడా తీసుకుంటున్నారు.

Read Also:World Cup 2023: ఆస్ట్రేలియాకు గుడ్ న్యూస్‌.. నెదర్లాండ్స్‌ మ్యాచ్‌లో స్టార్ ప్లేయర్ ఎంట్రీ!

పోలీసులు ఏం చెప్పారు?
నిషేధిత సంస్థ ‘కాంగ్లీ యావోల్ కనా లూప్’ (కేవైకేఎల్)లో క్రియాశీలక సభ్యుడిని అరెస్టు చేసినట్లు మణిపూర్ పోలీసులు ఒక ప్రకటనలో తెలిపారు. అతని నుంచి 9 ఎంఎం బెరెట్టా యుఎస్ కార్ప్ పిస్టల్, ఏడు రౌండ్లు (మందుగుండు సామగ్రి), డబ్బును స్వాధీనం చేసుకున్నారు. పోలీసులు మాత్రం కొన్ని నిజాలను బహిరంగపరచలేదు. ఈ అనుమానితుడు మణిపూర్ ఎమ్మెల్యే మేనల్లుడు అని కూడా పోలీసులు చెప్పలేదు.

ప్రజల నుంచి డబ్బులు వసూలు
ఓ సీనియర్ అధికారి మాట్లాడుతూ, ’45 ఏళ్ల వ్యక్తి పేరు కరమ్ సత్రాజిత్ సింగ్. ఇంఫాల్‌లోని సింగ్‌జమీ సూపర్‌మార్కెట్ ప్రాంతం నుండి ఇంఫాల్ వెస్ట్‌లోని కమాండో యూనిట్ అతన్ని అరెస్టు చేసింది. తాను మయన్మార్‌లో నివసిస్తున్న రాబర్ట్ అనే వ్యక్తితో కలిసి పనిచేస్తున్నట్లు ఒప్పుకున్నాడు. మయన్మార్‌లో కూర్చున్న వ్యక్తుల కోరిక మేరకు.. అతను పార్టీ ఫండ్ పేరుతో ప్రైవేట్ సంస్థలు, సాధారణ ప్రజల నుండి డబ్బు వసూలు చేస్తున్నాడు. విచారణలో అతడు ఓ రాష్ట్ర ఎమ్మెల్యే మేనల్లుడని తేలింది.’ అని చెప్పుకొచ్చాడు.

Read Also:Lord Shiva Sahasranama Stotram: నేడు ఈ స్తోత్రాలు వింటే శ్రేష్ఠమైన సంపదలతో జీవిస్తారు