Manchu Vishnu : కన్నప్పలో ప్రభాస్ రోల్ పై హింట్ ఇచ్చిన మంచు విష్ణు..
మంచు విష్ణు డ్రీమ్ ప్రాజెక్టు అయిన కన్నప్ప మూవీ ఇప్పుడు టాలీవుడ్ లో టాక్ ఆఫ్ ది ఇండస్ట్రీ గా మారింది. మంచు విష్ణు ఈ సినిమాను ఎంతో ప్రతిష్ఠాత్మకంగా నిర్మిస్తున్నారు..బడ్జెట్ గురించి ఏమాత్రం వెనుకడుగు వేయకుండా ఎంతో భారీగా గ్రాండ్ గా వుండే విధంగా జాగ్రత్త పడుతున్నారు. చిత్రం లో క్యాస్టింగ్ విషయంలో అలాగే వీఎఫ్ఎక్స్ విషయం లో ఎక్కడా కంప్రమైజ్ కావడం లేదు. దీంతో ఈ సినిమా ఎలా ఉండబోతుందో చూడాలని తెలుగు ప్రేక్షకులు ఎంతో ఆసక్తి గా ఎదురుచూస్తున్నారు. ఈ క్రమం లో కన్నప్ప మూవీ గురించి మంచు విష్ణు కీలక అప్డేట్ ను ఇచ్చారు. అంతేకాదు ఈ సినిమా లో ప్రభాస్ పాత్ర గురించి కూడా ఆసక్తికర వ్యాఖ్యలు చేసారు.కన్నప్ప సినిమా విడుదల కోసం సౌత్ లోనే కాదు నార్త్ ఆడియన్స్ కూడా ఎంతగానో ఎదురు చూస్తున్నారని మంచు విష్ణు తెలిపారు..
ఈ సినిమా షూటింగ్ దాదాపు 60 శాతం పూర్తయ్యిందని..త్వరలోనే మిగతా పార్ట్ షూటింగ్ కంప్లీట్ చేస్తామని తెలిపారు. ఈ ఏడాది చివరలో ఈ సినిమా ను ప్రేక్షకుల ముందుకు తీసుకొచ్చేందుకు ఎంతగానో ప్రయత్నిస్తున్నామని తెలిపారు. త్వరలోనే కన్నప్ప గ్లింప్స్ ను కూడా విడుదల చేస్తామని మంచు విష్ణు తెలిపారు. అంతేకాదు ప్రభాస్ రోల్ గురించి కూడా చిన్న హింట్ ఇచ్చారు. ఈ సినిమా లో ప్రభాస్ రోల్ ఎంతో అద్భుతంగా ఉంటుందని అన్నారు. దీనికి సంబంధించిన పూర్తి వివరాలు ఇప్పుడే చెబితే అంత థ్రిల్ ఉండదని.. సమయం వచ్చినప్పుడు ఆ విషయం తానే వెల్లడిస్తానని తెలిపారు.మరో నెలలో న్యూజిలాండ్ వెళ్లాలని.. మిగిలిన షూటింగ్ కూడా అక్కడే కంప్లీట్ చేస్తామని విష్ణు తెలిపారు.. అంతేకాదు ఈ సినిమా లో తన తండ్రి మోహన్బాబు తో పాటు తన కొడుకు అవ్రామ్ కూడా నటిస్తున్నట్లు విష్ణు చెప్పుకొచ్చారు.