మెగా పవర్ స్టార్ రామ్ చరణ్, దర్శకుడు బుచ్చిబాబు సన కాంబినేషన్లో తెరకెక్కుతున్న భారీ చిత్రం ‘పెద్ది’ (Peddi). జాన్వీ కపూర్ హీరోయిన్గా నటిస్తున్న ఈ పీరియడ్ డ్రామా షూటింగ్ ప్రస్తుతం శరవేగంగా జరుగుతోంది. అయితే ఈ సినిమాకు సంబంధించి ప్రతి చిన్న వార్త కూడా సోషల్ మీడియాలో సెన్సేషన్ క్రియేట్ చేస్తోంది. ముఖ్యంగా ఈ చిత్రంలో ఉండబోయే ఒక మాస్ స్పెషల్ సాంగ్ గురించి గత కొన్ని రోజులుగా రకరకాల పేర్లు వినిపిస్తున్నాయి. మొదట ఈ పాట కోసం బాలీవుడ్ భామ మృణాల్ ఠాకూర్ను అనుకున్నప్పటికీ,
Also Read : Mrunal Thakur: అతను లేకపోతే నేను లేను.. మృణాల్ ఠాకూర్ ఎమోషనల్ రివీల్!
కొన్ని అనివార్య కారణాల వల్ల ఆమె చివరి నిమిషంలో ఈ ప్రాజెక్ట్ నుండి తప్పుకున్నట్లు తెలుస్తోంది. దీంతో మృణాల్ స్థానంలో ఇప్పుడు మిస్ ఇండియా 2020 విజేత మానస వారణాసి (Manasa Varanasi) ‘పెద్ది’ టీమ్లోకి ఎంట్రీ ఇచ్చినట్లు ఫిలిం నగర్ టాక్. రామ్ చరణ్తో కలిసి స్టెప్పులు వేసే ఈ అద్భుతమైన అవకాశం మానసను వరించడం విశేషం. ఇప్పటికే తన అందచందాలతో మెప్పించిన ఈ తెలుగమ్మాయి, ఇప్పుడు మెగా పవర్ స్టార్ పక్కన మాస్ నెంబర్లో కనిపించనుండటంతో అంచనాలు రెట్టింపు అయ్యాయి. ఏఆర్ రెహమాన్ ఈ సినిమాకు అదిరిపోయే సంగీతాన్ని అందిస్తుండగా, ఈ స్పెషల్ సాంగ్ సినిమాకే ప్రధాన ఆకర్షణగా నిలుస్తుందని మేకర్స్ భావిస్తున్నారు.
