బాధలో ఉన్నా.. సంతోషంలో ఉన్న సెలబ్రేట్ చేసుకోవాలంటే మద్యం ఉండాల్సిందే అన్నట్లు మారిపోయాయి పరిస్థితులు. మరికొందరికైతే చుక్కపడనిదే పూటగడవని పరిస్థితి. షాప్స్ ఎప్పుడెప్పుడు ఓపెన్ చేస్తారా అని ఎదురుచూస్తూ ఉంటారు. ఇలాంటి మద్యం ప్రియులకు బిగ్ షాక్. ఏకంగా 4 రోజుల పాటు మద్యం దుకాణాలు బంద్ కానున్నాయి. దీనికి గల కారణం ఏంటంటే? ఈ నెల 23న హైదరాబాద్ స్థానిక సంస్థల ఎమ్మెల్సీ ఎన్నికలు జరుగనున్నాయి. దీంతో హైదరాబాద్ నగరంలో మద్యం దుకాణాలు మూతపడనున్నాయి.
Also Read:Bihar’s IIT Village: కేంద్రం దృష్టిని ఆకర్షించిన ఐఐటీ గ్రామం.. జేఈఈ మెయిన్లో 40 మంది ఉత్తీర్ణత
ఈ నేపథ్యంలో నేటి నుంచి 3 రోజుల పాటు వైన్స్ షాపులు మూతపడనున్నాయి. బుధవారం సాయంత్రం 6 గంటల వరకు మద్యం దుకాణాలను మూసివేయాలని పోలీసులు ఆదేశాలు జారీ చేశారు. అలాగే ఈ నెల 25న కౌంటింగ్ జరుగనున్నది. ఆ రోజు కూడా వైన్స్ బంద్ కానున్నాయి. అంటే మొత్తం 4 రోజులపాటు మద్యం దుకాణాలు బంద్ కానున్నాయి. ఎన్నికల వేళ ఎలాంటి అవాంఛనీయ ఘటనలు చోటుచేసుకోకుండా ఉండేందుకు మద్యం దుకాణాలు మూసివేస్తున్నట్లు అధికారులు తెలిపారు. ఎన్నికలు పూర్తైన అనంతరం యథావిధిగా మద్యం దుకాణాలు తెరుచుకోనున్నాయి.
