Lava Shark 5G: దేశీయ మొబైల్ తయారీదారి లావా (LAVA), తమ తాజా బడ్జెట్ 5జి స్మార్ట్‌ఫోన్ లావా షార్క్ 5జిని భారత్‌లో లాంచ్ చేసింది. ఈ మొబైల్ ‘షార్క్’ సిరీస్ లో వస్తున్న మొట్టమొదటి స్మార్ట్ ఫోన్. మరి ఈ అధునాతన మొబైల్ స్పెసిఫికేషన్స్ ఇలా ఉన్నాయి.
Read Also: Shubman Gill: కెప్టెన్‌గా శుభ్‌మ‌న్ గిల్.. ఓపెనర్‌గా రోహిత్ స్థానంలో ఎవరంటే?
లావా షార్క్ 5జి ఫోన్‌లో 6.75 అంగుళాల HD+ LCD స్క్రీన్ ఉంది. ఇది 90Hz రిఫ్రెష్ రేటును కలిగి ఉంటుంది. ఈ ఫోన్ లో ప్రాసెసర్ గా UNISOC T765 6nm చిప్‌సెట్, గ్రాఫిక్స్ కోసం Mali-G57 MC2 GPU వాడబడింది. అలాగే ఈ ఫోన్‌లో 4GB LPDDR4x RAMతో పాటు 4GB వర్చువల్ ర్యామ్, 64GB UFS 2.2 ఇంటర్నల్ స్టోరేజ్ కలిగి ఉండగా.. దానిని 512GB వరకూ microSD కార్డు ద్వారా విస్తరించుకోవచ్చు. ఇది ఆండ్రాయిడ్ 15తో వస్తోంది.
Read Also: Prakasham: లారిని ఢీకొన్న కారు.. ఆరుగురు మృతి, మరో ఇద్దరికి తీవ్ర గాయాలు..
ఈ లావా షార్క్ 5జిలో 13MP రియర్ కెమెరా, 5MP సెల్ఫీ కెమెరా ఉన్నాయి. సైడ్-మౌంటెడ్ ఫింగర్‌ప్రింట్ స్కానర్, IP54 డస్ట్ అండ్ స్ప్లాష్ రెసిస్టెన్స్, 5G SA/NSA, USB Type-C పోర్ట్ వంటి కనెక్టివిటీ ఫీచర్లు కూడా ఉన్నాయి. ఇక ఫోన్‌కి 5000mAh బ్యాటరీ వస్తుండగా, ఇందుకు 18W ఫాస్ట్ ఛార్జింగ్ మద్దతు ఇస్తుంది. అయితే బాక్స్‌లో 10W ఛార్జర్ మాత్రమే లభిస్తుంది. లావా షార్క్ 5జి ఫోన్ స్టెల్లార్ గోల్డ్, స్టెల్లార్ బ్లూ రంగులలో లభిస్తుంది. దీని ధర రూ. 7,999గా నిర్ణయించబడింది. ఇది ఈ రోజు (మే 23) నుంచి లావా రిటైల్ షాపులు, లావా అధికారిక ఈ-స్టోర్ ద్వారా కొనుగోలుకు అందుబాటులో ఉంటుంది. ఈ ధరలో 5జి సపోర్ట్, ఆండ్రాయిడ్ 15, 90Hz డిస్‌ప్లే వంటి ఫీచర్లతో లావా షార్క్ 5జి ఒక మంచి బడ్జెట్ మొబైల్ ఆప్షన్‌గా నిలుస్తోంది.
