Kriti Kharbanda Marriage: ప్రియుడుతో హీరోయిన్‌ కృతి కర్బందా వివాహం.. పెళ్లి ఫోటోలు వైరల్!

Kriti Kharbanda and Pulkit Samrat’s Marriage Pics Goes Viral: హీరోయిన్‌ కృతి కర్బందా వివాహబంధంలోకి అడుగుపెట్టారు. ప్రియుడు, హీరో పులకిత్‌ సామ్రాట్‌తో ఆమె ఏడడుగులు వేశారు. శుక్రవారం (మార్చి​ 15) హర్యానాలోని గురుగ్రామ్‌లో కృతి, పులకిత్‌ల పెళ్లి అంగరంగ వైభవంగా జరిగింది. వీరి పెళ్లికి ఇరు కుటుంబసభ్యులు, కొద్దిమంది అతిథులు హాజరయ్యారు. అయితే ఒకరోజు ఆలస్యంగా నూతన జంట తమ పెళ్లి ఫోటోలు సోషల్‌ మీడియాలో షేర్‌ చేశారు. ప్రస్తుతం ఆ ఫొటోలు నెట్టింట వైరల్ అయ్యాయి.

‘ప్రతి సమయంలో నా గుండె కొట్టుకునేది నీ కోసమే. ఇప్పటికీ, ఎప్పటికీ నువ్వు నాతోనే ఉండాలి’ అని కృతి కర్బందా తన ఇన్‌స్టాగ్రామ్‌ పోస్టుకు క్యాప్షన్‌ ఇచ్చారు. పెళ్లిలో కృతి పాస్టెల్ పింక్ లెహంగాను ధరించగా.. పులకిత్‌ సామ్రాట్ పాస్టెల్ గ్రీన్ షేర్వాణీ ధరించాడు. ఫోటోల్లో కృతి, పులకిత్‌లు ఒకరి చేయి మరొకరు పట్టుకుని నడిచి వస్తుంటే చుట్టూ ఉన్నవారు పూల వర్షం కురిపించారు. ఇంకో ఫోటోలో కృతి తన భర్తకు ముద్దు పెట్టింది. వీరిద్దరూ వీరే కి వెడ్డింగ్, తైష్, పాగల్పంటి చిత్రాలలో జంటగా కనిపించారు. కొన్నాళ్లుగా ప్రేమించుకున్న ఈ జంట పెద్దల అనుమతితో ఒక్కటయ్యారు.

Also Read: Vivo T3 5G Launch: మార్చి 21న వివో టీ3 5జీ లాంచ్.. ధర, స్పెసిఫికేషన్‌ల డీటెయిల్స్ ఇవే!

తెలుగులో ‘బోణి’ చిత్రంతో తెరంగేట్రం చేసిన కృతి కర్బందా.. ‘తీన్‌మార్‌’, ‘ఒంగోలుగిత్తా’తో మంచి గుర్తింపు తెచ్చుకున్నారు. మిస్టర్‌ నూకయ్య, ఓం సినిమాలో నటించారు. 2015లో వచ్చిన ‘బ్రూస్‌ లీ’ తర్వాత కృతి తెలుగు సినిమాల్లో నటించలేదు. బాలీవుడ్‌లో ఆమె బిజీగా మారారు. తెలుగు, తమిళ, కన్నడ భాషల్లోనూ సినిమాలు చేసినా.. బాలీవుడ్‌లోనే కృతి ఎక్కువ పాపులారిటీ తెచ్చుకున్నారు. పాగల్పంటి (2019) షూటింగ్‌ సమయంలోనే పులకిత్‌ సామ్రాట్‌తో ప్రేమలో పడ్డారు. కృతికి ఇదే మొదటి వివాహం కాగా.. పులకిత్‌కి రెండో పెళ్లి. నటి శ్వేతా రోహిరాని 2014లో పెళ్లి చేసుకున్న పులకిత్‌.. వివాహమైన 11 నెలలకే ఆమెతో విడిపోయాడు.

 

View this post on Instagram

 

A post shared by Kriti Kharbanda (@kriti.kharbanda)