Ram Charan : రామ్ చరణ్ డాటర్ క్లింకారా లేటెస్ట్ లుక్ చూశారా.. తాత చేతిలో ఎంత ముద్దుగా ఉందో

Ram Charan : టాలీవుడ్ స్టార్ హీరో రామ్ చరణ్, ఉపాసన పెళ్లి అయిన పదేళ్ల తర్వాత గతేడాది తల్లిదండ్రులుగా ప్రమోట్ అయిన సంగతి తెలిసిందే. 2023 జూన్ 20న ఉపాసన పండంటి ఆడబిడ్డకు జన్మనిచ్చింది. ఆ తర్వాత మెగా వారసురాలికి క్లీంకార అని నామకరణం చేయగా.. దాని వెనుక ఉన్న చరిత్ర తెలిసి అంతా షాకయ్యారు. ఆంధ్రప్రదేశ్, తెలంగాణ‌, క‌ర్ణాట‌క‌, ఒడిశా ప్రాంతాల్లో నివ‌సిస్తున్న చెంచు జాతి నుంచి స్పూర్తి పొంది క్లీంకార‌గా నామ‌క‌ర‌ణం చేశామంటూ మెగా కోడలు ఉపాసన కొద్ది రోజల క్రితం తెలిపారు. తల్లిదండ్రులు సాధించిన ఘనతను పిల్లలకు ట్యాగ్ చేయకూడదని, ఎవరి ఘనత వారే సాధించుకోవాలని కూడా ఉపాసన ఆ సమయంలో చెప్పుకొచ్చారు.

Read Also:Tollywood Rewind 2024 : దర్శక నిర్మాతలకు దీపావళి సినిమాలు నేర్పిన పాఠం

ప్రస్తుతం క్లీంకార వయసు 15 నెలలు అయినా.. ఆమె ఫేస్ ను ఇంకా మెగా ఫ్యామిలీ బయటకు రివీల్ చేయలేదు. మెగా ఫ్యామిలీ మెంబర్స్ పలు సందర్భాల్లో ఫోటోలను షేర్ చేసినా ఫేస్ ను మాత్రం కనిపించకుండా బ్లర్ చేస్తున్నారు. ఆ మధ్య తిరుమల వెళ్లినప్పుడు క్లీంకార ముఖం అనుకోకుండా కెమెరాలకు చిక్కినా.. అఫీషియల్ గా మాత్రం ఇంకా బయటకు రివీల్ చేయలేదు. తాజాగా క్లీంకార కొత్త ఫోటోను షేర్ చేశారు ఉపాసన. తన తాతయ్యతో వేంకటేశ్వర స్వామి ఆలయానికి వెళ్లిన ఫోటోను గురువారం షేర్ చేశారు. తమ హాస్పిటల్ (అపోలో) ఆవరణలోని వెంకటేశ్వర స్వామి గుడిలో పవిత్రోత్సవాలు జరుగుతున్నాయని ఉపాసన చెప్పుకొచ్చారు. క్లీంకార తన ముత్తాతతో అందులో పాల్గొన్నారని తెలిపారు.

Read Also:Akshay Kumar Injured: షూటింగ్‌లో గాయపడ్డ స్టార్ హీరో

ఆ సమయంలో తన తాత చేతుల్లో ఉన్న క్లీంకారను చూస్తుంటే చిన్ననాటి రోజులు గుర్తుకు వస్తున్నాయని ఆమె పేర్కొన్నారు. ఆ దేవాలయం తనకు ఎంతో ప్రత్యేకమని తెలిపారు. ప్రస్తుతం ఉపాసన చేసిన పోస్ట్ నెట్టింట్లో తెగ వైరల్ అవుతోంది. మెగా ప్రిన్సెస్ కొత్త పిక్ అంటూ అభిమానులు తెగ షేర్ చేస్తున్నారు. తమ సోషల్ మీడియా అప్ డేట్స్ లో షేర్ చేసి వైరల్ చేస్తున్నారు. క్లీంకార అప్పుడే అంత పెద్ద పాప అయిపోయిందా అని కామెంట్స్ చేస్తున్నారు. నిన్ననే పుట్టినట్టు ఉందని.. చూస్తుండగానే.. పెరిగిపోయిందంటున్నారు. చాలా హ్యాపీగా ఉందని అభిమానులు అంటున్నారు. ఫేస్ ను ఇంకెప్పుడు రివీల్ చేస్తారని కోరుతున్నారు.