Sabarmati Express: ఉత్తరప్రదేశ్‌లో శనివారం తెల్లవారుజామున 2:30 గంటలకు రైలు ప్రమాదం జరిగింది. సబర్మతి ఎక్స్‌ప్రెస్ కాన్పూర్ – భీమ్‌సేన్ రైల్వే స్టేషన్ మధ్య పట్టాలు తప్పింది. ఈ ప్రమాదంలో అందరూ సురక్షితంగా ఉన్నారు. ఈ విషయంపై రైల్వే మంత్రి అశ్విని వైష్ణవ్ సోషల్ మీడియా హ్యాండిల్‌లో పోస్ట్ చేస్తూ, ట్రాక్‌పై ఏదో ఢీకొనడం వల్లే సబర్మతి ఎక్స్‌ప్రెస్ ఇంజన్ పట్టాలు తప్పిందని అన్నారు.
Read Also:Rayachoti Crime: పిల్లలతో సహా పెట్రోల్ పోసుకుని నిప్పంటించుకున్న తల్లి.. ముగ్గురు సజీవదహనం..
రైల్వే మంత్రి ప్రమాదం గురించి మాట్లాడుతూ.. వారణాసి నుండి అహ్మదాబాద్ వెళ్తున్న సబర్మతి ఎక్స్‌ప్రెస్ ఇంజిన్ తెల్లవారుజామున 02:35 గంటలకు కాన్పూర్ సమీపంలో ట్రాక్‌పై ఉంచిన వస్తువును ఢీకొనడంతో పట్టాలు తప్పింది. రైలు ఢీకొన్న గుర్తులు కనిపించాయని, ఆధారాలు భద్రంగా ఉంచామని చెప్పారు. ఇంటెలిజెన్స్ బ్యూరో, ఉత్తరప్రదేశ్ పోలీసులు ఈ విషయాన్ని విచారిస్తున్నారని అశ్విని వైష్ణవ్ కూడా తెలియజేశారు. అలాగే ప్రయాణికులకు, ఉద్యోగులకు ఎలాంటి గాయాలు కాలేదని, ప్రయాణికులు అహ్మదాబాద్‌కు వెళ్లేందుకు రైళ్లను ఏర్పాటు చేశామని రైల్వే మంత్రి తెలిపారు.
Read Also:IFFM Awards: రామ్ చరణ్ కి అరుదైన గౌరవం..
The engine of Sabarmati Express (Varanasi to Amdavad) hit an object placed on the track and derailed near Kanpur at 02:35 am today.
Sharp hit marks are observed. Evidence is protected. IB and UP police are also working on it.
No injuries to passengers or staff. Train arranged…
— Ashwini Vaishnaw (@AshwiniVaishnaw) August 17, 2024
హెల్ప్‌లైన్ నంబర్‌ను విడుదల
ఈ ప్రమాదంలో రైలులోని 22 కోచ్‌లు పట్టాలు తప్పాయి. ఈ ప్రమాదం జరిగినప్పుడు అర్థరాత్రి కావడంతో ప్రయాణికులంతా నిద్రమత్తులో ఉండడంతో ఈ ప్రమాదం జరగడంతో ప్రజలు భయాందోళనకు గురయ్యారు. ప్రమాదం జరిగిన వెంటనే రైల్వే అధికారులు ఘటనా స్థలానికి చేరుకుని ప్రయాణికులను అహ్మదాబాద్‌కు తీసుకెళ్లేందుకు బస్సు ఏర్పాటు చేసి, మరో స్టేషన్ నుంచి అహ్మదాబాద్‌కు రైలు ఎక్కారు. అయితే, అందరూ సురక్షితంగా ఉన్నారు. ప్రజలకు సహాయం చేయడానికి హెల్ప్‌లైన్ నంబర్‌లు జారీ చేయబడ్డాయి.