వశిష్ఠ దర్శకత్వంలో వచ్చిన ‘బింబిసార’ ఎలాంటి హిట్ అందుకుందో మనకు తెలిసిందే. ఈ విజయం చూసి, చిత్ర బృందం వెంటనే పార్ట్-2ను ప్రకటించింది. ఈ ఫ్రాంచైజీని మరింత భారీగా విస్తరించాలని ఫ్యాన్స్ ఆశించారు. కానీ, సినిమా విడుదలై మూడున్నరేళ్లు దాటుతున్నా, ‘బింబిసార 2’ గురించి ఎలాంటి అధికారిక అప్డేట్ లేకపోవడం ఇప్పుడు చర్చనీయాంశంగా మారింది. ప్రీ-ప్రొడక్షన్ పనులు గానీ, నటీనటుల ఎంపిక గానీ ఏదీ మొదలైన దాఖలాలు కనిపించడం లేదు.
Also Read : Band Melam: సక్సెస్ ఫార్ములాను రిపీట్ చేస్తున్న నాని టీమ్!
‘బింబిసార’ తర్వాత కల్యాణ్ రామ్ చేసిన ‘డెవిల్’ వంటి చిత్రాలు ఆశించిన ఫలితాన్ని ఇవ్వలేదు. దీంతో ఆయన ఇప్పుడు తన తదుపరి చిత్రం కోసం ‘పుష్ప’ చిత్రానికి రైటర్గా పనిచేసిన శ్రీకాంత్ దర్శకత్వంలో ఒక ప్రాజెక్ట్ను పట్టాలెక్కించే ఆలోచనలో ఉన్నారట. ఈ కొత్త సినిమా కనుక షూటింగ్ ప్రారంభమైతే, ‘బింబిసార 2’ మరింత కాలం వాయిదా పడటం ఖాయం. అసలు ఈ సీక్వెల్ కేవలం హైప్ కోసమే ప్రకటించారా? లేక సరైన సమయం కోసం వేచి చూస్తున్నారా? అనే సందిగ్ధంలో అభిమానులు ఉన్నారు. ప్రస్తుతం కల్యాణ్ రామ్కు ఒక సాలిడ్ హిట్ అవసరం ఉంది, అది వచ్చిన తర్వాతే ఇంతటి భారీ బడ్జెట్ సీక్వెల్ను టేకాఫ్ చేసే అవకాశం కనిపిస్తోంది.
