‘కల్కి 2’ షూటింగ్ పనులు వేగంగా జరుగుతున్నాయి. తాజా సమాచారం ప్రకారం, ఫిబ్రవరి 2026 నుంచి ఈ సినిమా ప్రధాన షూటింగ్ షెడ్యూల్ ప్రారంభమైంది. హైదరాబాద్లోని శంకర్ పల్లి పరిసరాల్లో నిర్మించిన భారీ సెట్లో అమితాబ్ బచ్చన్ (అశ్వత్థామ), కమల్ హాసన్ (సుప్రీమ్ యాస్కిన్) లపై కీలక సన్నివేశాలను చిత్రీకరిస్తున్నారట. హీరో ప్రభాస్ కూడా త్వరలోనే ఈ సెట్స్లో జాయిన్ కాబోతున్నట్లు తెలుస్తోంది.
Also Read : #Nani34: నాని-సుజిత్ మూవీలోకి ఇద్దరు బాలీవుడ్ భామలు.. ప్లాన్ మాములుగా లేదుగా !
అయితే మొదటి భాగంలో ‘సుమతి’ పాత్రలో నటించిన దీపికా పదుకోణే, ఈ ప్రాజెక్ట్ నుంచి తప్పుకోవడంతో, మేకర్స్ ఇప్పుడు ఆ పాత్ర కోసం సాయి పల్లవిని సంప్రదించారు. ఇప్పటికే సాయి పల్లవికి సంబంధించిన లుక్ టెస్ట్ కూడా పూర్తయిందని, త్వరలోనే దీనిపై అధికారిక ప్రకటన వచ్చే అవకాశం ఉందని సమాచారం. ఈ సీక్వెల్కు ‘కర్ణ: 3102 బీసీ’ అనే టైటిల్ను పరిశీలిస్తున్నట్లు ఇండస్ట్రీ వర్గాల్లో చర్చ నడుస్తోంది. మొదటి భాగం ముగింపులో ప్రభాస్ పాత్ర ‘కర్ణుడి’ అంశ అని రివీల్ చేయడంతో, రెండో భాగంలో కర్ణుడి నేపథ్యం, పురాణాల లెంగ్త్ ఎక్కువగా ఉండబోతోందని సమాచారం. నాగ్ అశ్విన్ ఈసారి మరింత గ్రాండియర్గా యుద్ధ సన్నివేశాలను ప్లాన్ చేస్తున్నారట.
