Jhanvi Kapoor: బాలీవుడ్ నటి దివంగత శ్రీదేవి తనయ జాన్వీ కపూర్ యూత్ లో ఫాలోయింగ్ ఉన్న నటీమణుల్లో ఒకరు. సినిమాల విషయంలో విలక్షణమైన స్క్రిప్ట్‌ల ఎంపిక చేసుకుంటూ నటిగా పేరు తెచ్చే సినిమాలు చేస్తూ వస్తున్న జాన్వీ సోషల్ మీడియాలో మాత్రం యువతను ఆకట్టుకునేలా గ్లామర్ పోస్ట్‌లతో అలరిస్తూ వస్తోంది. ఈ పోస్ట్ లతో జాన్వీ కపూర్ పలు బ్రాండ్ ఎండార్స్‌మెంట్లను కూడకట్టుకుంది. తద్వారా భారీ మొత్తం సంపాదిస్తోంది. ఇటీవల తన సినిమా ‘మిలి’ విడుదల సందర్భంగా పలు మీడియా సంస్థలకు ఇంటర్వ్యూ లను ఇచ్చింది. అందులో భాగంగా సోషల్ మీడియాను సీరియస్‌గా తీసుకోకూడదని చెబుతూ సోషల్ మీడియాలో తను పోస్ట్ చేసే ఎక్పోజింగ్ పిక్స్ తనకు మరింత డబ్బు సంపాదించటానికి సహాయపడుతున్నాయనే విషయాన్ని అంగీకరించింది.
lohitashwa prasad: సినీ ఇండస్ట్రీలో విషాదం.. ప్రముఖ నటుడి కన్నుమూత
గ్లామర్‌గా కనపడి అందరూ ఆకర్షితులైతే నా ఖాతాలో మరో బ్రాండ్ వచ్చి చేరుతుందని, అప్పుడు తన ఇన్వెస్ట్ మెంట్స్ కి తేలికగా EMIలను కట్టుకోగలుగుతానని సెలవిచ్చింది. తను నటించే సినిమాలకు సోషల్ మీడియాలో చేసే పోస్ట్ లు రెండూ భిన్నగా ఉంటాయని అంగీకరిస్తూ సోషల్ మీడియా ఇమేజ్‌ తన ఆన్‌స్క్రీన్ క్యారెక్టర్‌తో సింక్‌ అవుతుందని తెలియచేసింది. ఏది ఏమైనా సినిమాల ద్వారా సంపాదించే మొత్తం కంటే సోషల్ మీడియా ద్వారా వచ్చే సంపాదన ఎక్కువని జాన్వీ చెప్పకనే చెప్పింది. అందుకే ఇటీవల తన సోషల్ మీడియాలో గ్లామర్ డోస్ మరింతగా పెంచింది జాన్వీ. ఏదేమైనా ముద్దు వచ్చినపుడే చంక ఎక్కమన్నారు పెద్దలు. దానిని అక్షరాలా పాటిస్తోంది జాన్వీ కపూర్.