JD Chakravarthy:నేను కమల్ హాసన్ కాలి గోటికి కూడా సరిపోను..

జె.డి. చక్రవర్తి ఏదైనా మాట్లాడారంటే అందులో ఒక వెరైటీ ఉంటుంది. తాజాగా ‘గాయపడ్డ సింహం’ (GPS) ప్రమోషన్లలో పాల్గొన్న ఆయన, ఈ సినిమాలో తన పాత్ర గురించి చెబుతూ విశ్వనటుడు కమల్ హాసన్ ప్రస్తావన తీసుకువచ్చారు. “కమల్ హాసన్ గారు ఒక అద్భుతం. నటనలో ఆయన కాలి గోటికి కూడా నేను సరిపోను. కానీ, ఒకటి మాత్రం నిజం.. ఆయన అంతటి మహానటుడికి కూడా ఇప్పటివరకు ఇలాంటి ఒక విభిన్నమైన పాత్ర దొరకలేదు” అంటూ జె.డి. షాకింగ్ కామెంట్స్ చేశారు. తన మాటలను సరిగ్గా అర్థం చేసుకోకపోతే నెటిజన్లు ట్రోల్ చేస్తారని ముందే ఊహించిన ఆయన, కమల్ హాసన్ పై తనకున్న గౌరవాన్ని చాటుకుంటూనే తన క్యారెక్టర్ లోని డెప్త్ గురించి వివరించారు.

Also Read :Trisha Vijay: త్రిష ఇన్‌స్టా పోస్ట్ వైరల్.. విజయ్‌తో పెళ్లి వార్తలకు చెక్ పెట్టినట్టేనా?

తరుణ్ భాస్కర్ హీరోగా, కశ్యప్ శ్రీనివాస్ దర్శకత్వంలో తెరకెక్కుతున్న ఈ సినిమా ఒక విభిన్నమైన కాన్సెప్ట్ తో రాబోతోంది. ఇందులో జె.డి. చక్రవర్తి ఒక పవర్‌ఫుల్, నెగటివ్ షేడ్స్ ఉన్న పాత్రలో కనిపిస్తున్నట్లు తెలుస్తోంది. గతంలో కమల్ హాసన్ అనేక ప్రయోగాత్మక పాత్రలు చేసినప్పటికీ, ‘గాయపడ్డ సింహం’లో తాను చేస్తున్న పాత్ర చాలా యూనిక్ గా ఉంటుందని జె.డి. ధీమా వ్యక్తం చేశారు. ఫరియా అబ్దుల్లా హీరోయిన్ గా నటిస్తున్న ఈ సినిమా ఏప్రిల్ లో విడుదలకు సిద్ధమవుతోంది. ఈ చిత్రానికి స్వీకర్ అగస్తీ సంగీతం అందిస్తుండగా, పవన్ సాదినేని సమర్పణలో నిర్మాతలు అత్యంత ప్రతిష్టాత్మకంగా నిర్మిస్తున్నారు. జె.డి. చేసిన ఈ కామెంట్స్ తో సినిమాపై అంచనాలు ఒక్కసారిగా పెరిగిపోయాయి.