Srinivasa Mangapuram: మండుటెండలోనూ తగ్గని జయకృష్ణ..

టాలీవుడ్ లెజెండ్ సూపర్ స్టార్ కృష్ణ మనవడు, రమేష్ బాబు కుమారుడు జయకృష్ణ ఘట్టమనేని హీరోగా పరిచయమవుతున్న చిత్రం ‘శ్రీనివాస మంగాపురం’. ఈ సినిమాతో బాలీవుడ్ సీనియర్ నటి రవీనా టాండన్ కుమార్తె రాషా తడానీ (Rasha Thadani) టాలీవుడ్‌లోకి హీరోయిన్‌గా అడుగుపెడుతోంది. ఇప్పటికే విడుదలైన ఆమె లుక్స్‌కు మంచి రెస్పాన్స్ వచ్చింది. ఒక కొత్త జంటను దర్శకుడు అజయ్ భూపతి చాలా ఫ్రెష్‌గా చూపిస్తున్నారట. ఈ సినిమా ప్రస్తుతం తుది దశ షూటింగ్‌లో ఉంది. తాజా సమాచారం ప్రకారం, ఈ సినిమా క్లైమాక్స్ విషయంలో చిత్ర యూనిట్ ఎక్కడా తగ్గడం లేదని తెలుస్తోంది.

ప్రస్తుతం తెలుగు రాష్ట్రాల్లో ఎండలు మండిపోతున్నప్పటికీ, చిత్ర యూనిట్ ఒక క్వారీలో భారీ యాక్షన్ సీక్వెన్స్‌ను చిత్రీకరిస్తోంది. హీరో జయకృష్ణ మరియు విలన్ అజయ్ గ్యాంగ్ మధ్య జరిగే ఈ ఇంటెన్స్ ఫైట్ సినిమాకే హైలైట్‌గా నిలవనుందట. తన మొదటి సినిమాతోనే మాస్ హీరోగా ప్రూవ్ చేసుకోవాలని జయకృష్ణ చాలా కష్టపడుతున్నారు. డూప్ లేకుండా రిస్కీ స్టంట్స్ చేస్తున్నట్లు సమాచారం. మనకు తెలిసి అజయ్ భూపతి సినిమాల్లో రా అండ్ రస్టిక్ యాక్షన్ ఉంటుంది. ‘శ్రీనివాస మంగాపురం’లో కూడా అదే స్థాయి ఎమోషన్, యాక్షన్ ఉండబోతున్నాయని టాక్. ప్రస్తుతం జరుగుతున్న ఈ క్వారీ యాక్షన్ షెడ్యూల్ పూర్తయితే టాకీ పార్ట్ దాదాపు కంప్లీట్ అయినట్టే. దీని తర్వాత మేకర్స్ పోస్ట్ ప్రొడక్షన్ పనులను వేగవంతం చేసి, సినిమా రిలీజ్ డేట్‌ను ప్రకటించే అవకాశం ఉంది.